Genesis 3:19 - Nobonob Baibel

¹⁹ Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Genesis 3:19 ပူးပေါင်းရင်းမြစ်များ

Genesis 18:27

Yawe anam a, amu Abraham nug aum. “Ehe, da doottem, da amu danabib, amge da nakok baɗeɗe, wagai nakok mein, Naɗi amegppa nai mattimi, amge da baula ele akkul.

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 3:18

Uud keeke qaun ele wanppanu bena, na uug mettaglag, amge na ee aeg wanppanu betteb lakkut.

Genesis 5:5

Adam nug maɗ nuhig 930 daya amu, nug mauhom.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Job 10:9

O Kayak, na attem henan heiɗme amu, na amu dabmekkutnu oɗ medattem. Na heiɗme, haen amuppa na waa keeke hak danab wan awa waa hette, amubia na da heiɗme; gemu na heppe, da eɗuen, gappud daakkulte?

Job 19:26

Nug daatte, amu gog tak haenppa Nug wanppa daakku, amge haen gamag imuppa da mauhppi, gawat ag beɗul imu moɗppa heppeg nauhkku. Gawat ag amu hekkulag, amge dimppa da beɗul ele eɗuen daye, da amelppa Kayak anidkkul

Job 21:26

Danab ena daya mauhtte, danab uugib doya mauhtte, aa oh mauhya, gappudppa niittep. Ao, gawat danab amu oh gaɗalahppa tena daatteb.

Job 34:15

danab ah ohnab ag mauhlob. Ao, ag mauhna, ag eɗun, gappud daalob.

Job 4:19

genabnab genab nug danab dilagnu anam doya hekku. Danab dilagnu amu, Nug ag gappudppa hattom. Danab dilagnu amu, ag diilag gappudppa daatte. Danab dilagnu amu, ag am qagapuɗ, laa nug uɗat okkai ii haaha, qagapuɗ he nauhtte, ag qagapuɗ amubia daatteb.

Sam 103:14

Aɗinu? Nug ig bodoettak ihinig attemu amu dootte. Ao, laa am Nug dootte, ig am gappud aakkuib.

Sam 104:23

Ag abenlagppa wana daaegeg amu, danab ah ag uɗatppa gotteb. Ag uɗat heegeg ukka, tueb ma, uudokkunu hette.

Sam 104:29

Haen na ii ehanadkkutnu dabmena, dimattai, ag eheɗ nau baɗatteb. Yo, na ag ouɗi ii mattai, ag mauhtteb. Ag mauhna, ag eɗun gappud metteb.

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Sam 22:29

Dada hak danab ah ag Nug noobppa dup nokkulag. Yo, aun aɗi ag bau daan mauhtteb, ag Nug noobppa dup nokkulag.

Sam 90:3

Aɗinu? Nahipnu amu, maɗ 1,000 am tumai ba ukka malom, am amubia daatte! Ao, maɗ amu oh am tuqan aɗi uɗitte anittak danab nug aua waɗele keeke dayaya, uɗat amu heehe, laa uɗia, nug abenab awa hette amu, maɗ amu oh am, na Kayak, nahip neekkakppa aua amubia daatte. O Kayak, na danab ah amelagppa, “Ag eɗun gappud meig!” attem; amu nai amuppa na hee, ag mauhna, eɗun gappud metteb.

Prowerb 21:16

Danab nug diignu doyak tutukku ii dim lamidtte; nug danab ag mauhppig, nug amu dilagnu ele daaglagnu hette.

Eklisiastis 1:13

Amu tatam da dakka, da danab doyak dabmak ena ele ag keeke dooglagnu henana, aɗi kobol oh dim lamidna henan keeke dootteb amu, da kobol amuppa keeke oh wan imuppa heeg bette ele dookkulnu dabmein, amu anam hekkulnunab digmemi. Da amu hein, da Kayak Nug uug okkainab ig danab ah mekkom anidmi.

Eklisiastis 1:3

Danab nug wanppa aam waappa dayaya, ⌊beɗu ehanidkkunu⌋ uɗat okkai hette amu; amuppanu nug aɗi meunab aotte?

Eklisiastis 3:20

Keeke oh bau daatteb ele amu, ag moɗppa gotteb. Ag oh gappudppa beppig; ag eɗun gappudppa gokkulag.

Eklisiastis 5:15

Danab nug anig ooppanu hamu, beɗu miagib ele dotte; nug anam doa, mauhak haenppa nug ele anamib mauhak abenppa eɗua gotte. Nug wanppa uɗat atten atten haaha, keeke awom amu, nug keeke amuppanu aɗitai keeke laa eppegppa awa ii gotte. Hamu gotte.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

1 Korint 15:47

Adam tatamnu amu, Kayak Nug wan awa danab amu heum. Adam dimnu amu hab aabppanu uɗiom.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

1 Tesalonaika 2:9

Ao ig lainkad, ag ihinig uɗat okkai uug ele amu ag anidna dooppig. Ig tuqan amun ele eppenigppa uɗat hetata, ig Kayaknu Nai Ena ele mehuqmut. Aɗinu? Ig ahilag ee keeke hamu aopput, ag ihinignu oolagppa uug doomnanu ig anam hemut.

2 Tesalonaika 3:10

Haen ig ag ele daatta, ig ɗo imu ag mattamut. “Laa nug uɗat ii hekku amu, nug ee ii lama,” aot amut.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,