Genesis 3:16 - Nobonob Baibel

¹⁶ Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

Genesis 3:16 ပူးပေါင်းရင်းမြစ်များ

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

1 Stori 4:9

Amu danab laa, nug onig Jabes. Nug oiyaya, binag okkai ele awom; nug binag am awakkud amakkud binalag eɗittak. Nug anig nug menuom haenppa nug guittak doya, Jabesnu, “Da guittak okkai doyeye, menumi,” aum amunu, nug onig Jabes ataɗom.

Esta 1:20

Am na ɗo amu meppe ba daakku dayeb amu, danab ah oh nahip ɗo maɗoɗ okkai okkaippa na waatppa daatteb ele, ag amu dooppeg, okkai danab, o iitta okkai danab iitta, amu oh ag waalkad geha gamulkad dilagnu am keeke hamu bia ii doomna. Iitta! Ag ahilagnu ena elele dooglag,” awa aum.

Sam 48:6

Appa ag Kayak Nug aab amu atognotte anidna, ag huanaknab baɗappig. Ao, ag anidna baɗan, ag ⌊ahilag dabmak aab amunu dim lamidkkulagnu elele iitta doon,⌋ ag ah nid aokkun haaha, nug guittak naunab doyaya, beɗu aab qette, ag amubia guittak ⌊oolagppa⌋ dooppig.

Aisaia 13:8

Baɗak okkai, eheɗ naunab tonatteb, geha guittak okkai dooglag. Ag geha ah nid aokkunu guitte, beɗu itoɗia akkoniaya bia hekkulag. Ag akka akka nug iɗu neekkidna, iɗulagppa haen naunab aakku beum anidkkulag. Ag geha anam anidna ag geha nau, eheɗnab baɗaglag.

Aisaia 21:3

Yawe keeke amu ippuniɗaɗa, nuhig nai amu a doomi amunu, da beɗulppa guittak okkai doottem. Ao, da ah nid aoglagnu guittak dootteb bia guittak doottem. Da nai doomi am he, da nein qekkulnu hettem. Ao, keeke da anidmi am he, da dabmak huanaknab aottem.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Jeremaia 13:21

Laa yawalti uɗitteppanu uɗitteb amu, tatam ag Juda okkai, ag ag ele nug tituana nai qakkakppa daaglagnu wagai men heppig, amge Yawe heeb, amu dilag ag okkai ahilkad daappeg, ag ag waalagppa daaglag amunu, haen amuppa ag aɗi nai mattiglag? Iitta. Ag uug okkai, ah nid aokkunu guittak dootte, ag amubia dooglag.

Jeremaia 22:23

Lag ahilagppa ad sida Lebanonnu kuɗum daatte; ag amuppa enanag daatteb, amge gadon, uug amu ahilagppa beeb, ag aiqakkak nau, ah nid aokkunu hette, ag amubia hekkulag.” Yawe Nug da amelppa Juda danab ah dilagnu anam aum.

Jeremaia 4:31

⌊O gadon tuleglegppa da⌋ gayak doottem. Da ah nug nid tatamnu aokkunu haaha, ewawa aiqagatte, da gayak amubia doottem. Da gayak doottem am, ag Juda danab ah, ahilag. Ah laa nug laa ehanidkkunu eppeg bahia, “O gadonnab gadon, da mauhkkulnu hettem. Da danab nau eppelagppa daaiyi, ag heppeg mauhkkulnu hettem,” atte amu, ag Juda danab ah ag amubia daatteb doomi.

Jeremaia 49:24

Damaskus danab ah ag gai-iitta daaglag. Ag oolkkulagnu henana, baɗak naɗi okkai doon, ag guittak nau ele aoglag; guittak amuam ah nid aokkun haaha, guittak nau dootte, amubia.

Jeremaia 6:24

⌊O gadon, ig Juda⌋ ig daup amunu nai doot malamut, amu ig gai-iitta daattem. Ig eppenig am hamu daatte, danab eppeg laih laih oh mauhom, amubia. Ig doot, ig dabmakppa guittak okkainab doottem. Ao, ig ah nid aokkunu haaha, guittak okkainab dootte, amubia ig guittak okkainab oonigppa doottem.

Namba 30:13

Aria, ah nug keeke hekkunu oo daye, nug genabnab hekkunu nai ana qagakkutai, o iitta, nug nukka keeke laa ii hemanu Kayak onigppa nuhig nai ɠagattag qetta akkutai. Nug anam hekku dayeb, gamu nug hekkunu akkutai, o iitta nug anam hemanu aibtai akku, amu anam aakku daakku.

Jon 16:21

Ah nug nid menukkunu haen male, nug guittak dootte, amge nug nid menuowa, nug baula guittak ii dabmette. Aɗinu? Nug nid menue doum amunu, nug maɗoɗppan gamag ahak dootte.

1 Korint 11:3

Amge ag nai imu dooglagnu da ool daatte. Danab oh ikkilag am Kristus, ah ikki am danab, Kristus ikki am Kayak.

1 Korint 14:34

ah ag oɗelag qamutna daaglagoitte. Ag nai mattiglagnu ii daatte. Iitta. Ag ɗo atte bia ag ⌊gamulkad⌋ waappa daaglag.

1 Korint 7:4

Amu diig amu, ah nug nukka nug beɗu ii gumatte. Iitta. Nuhig danab ele oh gumattep. Anamib, danab nug nukka nug beɗu ii gumatte. Iitta. Ah nuhig ele oh gumattep.

Kolosi 3:18

Amu ah ag Naɗi Nug oo niitte, amubia ag gamulkad waalagppa dayeg!

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

1 Timoti 2:13

Amunu diig am inam. Kayak nug Adam tatam hewowa, dimppa Ewa heum.

1 Timoti 2:15

Amge nug ⌊ah laa oh ele⌋ ag oolagppa genab doon, oo mauhak kobol dim lamidna, oppiaawak daanna, ag akka ag oiyak pehettak atognoak kobol ele hetteb dayeb, ag nid laa menuakppa padal memanu ehanittak aoglag.

Taitus 2:5

ag akka ag oiyak pehettak atognoak kobol dim lamidna, ag oppiak daaglagnu, ag laulag atognona dabmettanna bappaidkkulagnu, ag kobol ena hekkulagnu, ag gamulkad waalagppa daaglagnu appe doyeg! Diig aɗinu ag anam oiglag. Amunu diig am dimittim danab ag Kayak nainu nai nau ii mattimnanu, ag anam oiglag.