Genesis 3:14 - Nobonob Baibel

¹⁴ Ah nug anam a, Yawe Kayak Nug doya, Nug mat amegppa aum. “Na keeke nau imu heme amunu, nahip eheɗ laa awaknu anak waappa dayak am aabppan doɗ laa oh eɗattak. Ge, am doɗ dakkuɗ ele laa oh eɗattak. Na ootppaib oinna; amu na gappud lanana oippeppe ukkeb, na mauhkkut.

Genesis 3:14 ပူးပေါင်းရင်းမြစ်များ

Genesis 3:1

Haen amuppa, mat nug dabmak lokkumakppa kobol kobol hekkunu doya auta awawa, nug amu hekkunu doɗ dakkuɗ laa oh Yawe Kayak hattom ele, nug amu oh eɗattak dayom. Dayaya amu, nug ah amegppa aum. “Kayak Nug genabte aa ad imu oh meulkad ii lamayanu amelahppa aum?” awa oɗ mettom.

Genesis 4:11

amunu, na hemenu, na eheɗ laa awaknu anak waappa daan, na Abel tiig gokkaɗe, wan imu ooppa noum ele, na wan imu uun gokkut.

Genesis 9:6

Da danab da bia hemi amunu, aun laa nug danab heeb mauhkku, nug ele danab laa eppegppa mauhkku.

Sam 72:9

Danab ah ag atu taɗakppa oinna daatteb ele, ag nug noobppa dup nokkulag. Nuhig kekeɗ ag nug noobppa nena qena, gappudppa niiglag.

Aisaia 29:4

Da heppi, ahilag kekeɗ ag anam heppeg, ag Jerusalem danab ah ag nena qena, uug naunab nau doon, ag danab nug wanppa niiaya, nai danab uma dayaya nai maditte bia mattiglag. Ao, ag ahilag mattiak baag am danab nug gappud teppu eleppa niiaya, nai miagib iitta maditte, ag amubia nai mattiglag. Ag baalag am dottog laa baag bia daakku. Ao, ag gappudppa appa nai otiptippa mattiglag.” Yawe Nug anam atte.

Aisaia 65:25

Haen amuppa da heppi, doɗ wulp, sipsip nag ele aa laippu daayya, ee lakkulah. Doɗ laion, makau gikkiɗah latte bia gikkiɗah lakku. Mat ag baula danab ah guittak ii mattamna. Dahil qauko, qauko amuam dahilnu tituanak daatte amu, qauko amuppa amu laa nug guittak iinab mettama. Laa nug keeke laa iinab heeb nauhma!” Yawe Nug anam atte.

Lewitikas 20:25

Diig amunu, ag doɗ lanaknu epeɗiak daatte, amu doɗ ii lanaknu epeɗiak daatte, amu ai lanaknu epeɗiak daatte, ai ii lanaknu epeɗiak daatte ele amu, ag tutukku epeɗin anidkkulag. Ag doɗ laa, o ai laa, o doɗ naunau ag oolag wan qeeqe oitteb ele laa, da ag ii lamananu ami amu, ag iinab lamana. Ag lakkulag dayeb amu, ag akka ag heppeg, dahil neekkakppa ag dubuttid tak ele daaglag.

Maika 7:17

Ag uɗa nak doon, ag mat gappud hoɗutte bia hekkulag. Ao, ag doɗ digdig ag oolagppa wanppa oinna, gappud latteb, ag uɗa nak doon, ag amubia hekkulag. Ag eheɗ baɗan, hahaɗna, ag ahilag teɗppanu dimittim uɗiglag. Ag baɗan, ag Yawe, Nug am ihinig Kayak, ag Nug dim lamidkkulagnu nuhigppa gokkulag. Ag ag Juda, ag ahilagnu ele baɗaglag.