Genesis 29:30 - Nobonob Baibel

³⁰ Aria, Jakop, Rahel ele oiyya, Jakop nug Rahelnu oo mauhom, amge Leanu amu, nug oo anam ii mauhom. Anam oinna, nug ah nuhig Rahelnu uɗat baula maɗ eblaih aɗit heum.

Genesis 29:30 ပူးပေါင်းရင်းမြစ်များ

Genesis 29:17

Lea nug ameg am neekkak ena, amge Rahel nug ah enanag, iɗu tuqak ele.

Genesis 29:18

Aria, Jakop nug Rahelnu oo mauhom amunu, nug Laban uɗat nobnu amegppa inam aum. “Da maɗ eblaih aɗit ele uɗat nahip heppi, na aɗen gehanu Rahel meɗakkut,” awa aum.

Genesis 29:20

Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Genesis 29:29

Laban nug maɗi ah onig Bilha, Rahel nuhig maɗi ah daakkunu mettom.

Genesis 29:31

Aria, Yawe Nug Jakop Rahelnu oo huanak mauhom, amge Leanu oo anam ii mauhom amu, Nug amu anttom. Nug anttom amunu, Nug he, Lea nug nid aokkunu elele dayom, amge Rahel nug am ah mattoi.

Genesis 31:15

I mamenih nug ihinihnu, i am ah wan laihnu ah bia dooit-tte. Nug ihinihnu en oh awom amu, nug he, iitta meum.

Genesis 31:41

Maɗ 20 amu da na lautppa daami. Maɗ amu ooppa, maɗ 14 laa amu, da na aɗenaɗ diiatkkulnu nahip uɗat hemi. Maɗ eblaih laippu ele laa amu, da doɗ imu nahip doɗ amegppanu diiadkkulnu nahip doɗ gumak uɗat hemi. Anam aakku, amge na dahil uɗat nob amu haen 10 baolime.

Genesis 44:20

Na anam oɗ mekkae amu, ig amut. ‘Ao, amanig laa ele, amu ig mamenig nug kaino ma dayeye, nug wau laa ig amanig anig amu, nug ele oiyya, ig amanig amu menuom. Amge ah amu nug nid amanig laa tatamnu menuom amu, nug mauhom amunu, ig mamenig nug ah amunu nid laa iitta; ig amanig nug nukka aakkuib. Anam amunu, ig amanig amu, nug mameg nuhignu, nug oo huan mauhtte.’ Ig anam aot amut.

Genesis 44:27

Ig anam aut, ig mamenig, nahip maɗi nid amu, nug aum. ‘Ah dahil amu nug nid danab aɗit aakkuib menuatom, ag amu dootteb.

Hosea 12:12

Jakop nug awag baɗitta, nug oola ukka, Aram wanppa dayom. Nug appa dayaya, nug ah laa aweb, wau daakkunu haaha, nug danab laanu maɗi nid daya, nuhig uɗat heum. Ao, nug ah daden mekkunu, nug danab laanu sipsip gumattom.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

Jon 12:25

Anam amunu, aun nug wanppanu bau daakkunu dabmak anuqak aotte amu, dimppa nug bauklel hanhannu ii aoma. Amge aun laa nug wan imuppan beɗu bau dayaknu oo ii qette, amunu dabmak okkai ii aotte amu, nug bauklel hanhannu Kayak eppegppa aokku.

Duteronomi 21:15

Danab laa nug ah aɗit diiata, Nug laanu oo mauhkku, amge laanu nug oo mauhaknab ii dookku dayeb, ah aɗit oh aa nid danab menuglahtai, amge ah laa, danab nuhignu oo mauhaknab ii dootte amu, nug tatam nid danab menukkutai.