Genesis 29:2 - Nobonob Baibel

² nug neekke ukke, gikkiɗah dad okkaippa le moɗ, men okkai tonak dayeye, amu sipsip ameg ewam ele, ag le moɗ amu guguittak niiegeg anattom. Sipsip gumak danab ag haen oh le moɗ amuppa le itaeg, sipsip ladappig amunu, ag gukkuidna niippig.

Genesis 29:2 ပူးပေါင်းရင်းမြစ်များ

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Genesis 24:11

Ukka te, deɗ amuppa tueb meeme, nug aab beeppa, le itak abenppa ta dayaya, nug he, kamel heɗep nena daappig. Tueb amu ah le awak haen.

Genesis 24:13

Antte! Da le moɗ gukkuitten daattem, amu aabppan ah makkun ag le itaglagnu uɗitteb

Genesis 29:3

Sipsip gumak danab ag sipsip oh diin uɗin qagmeeg amu, ag men okkai le moɗ oɗeppanu buɗibɗib metteg ukke, le madattappig. Mattona, ag men eɗun buɗibɗib metteg ukke, le moɗ ameg tonattom.

Sam 23:2

Yawe Nug he, da aben gikkiɗah enanag eleppa hik awen daye, Nug omaiɗa anuqa ukke, da le maninnab daugppa dayeye, le awe lattem.

Aisaia 49:10

Ag gobeppeg, enug ii aqama; le baalag ele ii diima. Atu taɗaknu aam gakkaɗak ele ii aqama. Aɗinu? Laa ag oo madatte amu, Nug ag ulum madatta, Nug ag le qeppuɗia betteppa omalatta gokku.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Jon 4:6

Anukka Jakop nug appa le moɗ nuhig buuom. Amu Jesus Nug ukka, amuppa ta, beɗu maidadaɗom amunu, Nug le moɗ amu guguittak hik awa, appa dayom. Haen amu aam ameg tutukku anam.

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.