Genesis 29:18 - Nobonob Baibel

¹⁸ Aria, Jakop nug Rahelnu oo mauhom amunu, nug Laban uɗat nobnu amegppa inam aum. “Da maɗ eblaih aɗit ele uɗat nahip heppi, na aɗen gehanu Rahel meɗakkut,” awa aum.

Genesis 29:18 ပူးပေါင်းရင်းမြစ်များ

Genesis 24:67

Nug nai mattia male, Aisak nug Rebeka omala, anig Sarahnu peh lakka ukka, appa me dayeye, aa ewau matulak aopiɗ. Rebeka nug Aisak wau daye, Aisak nug Rebekanu oo mauhom. Tatam nug anig Sarah mauhe, nug oo huan doyom, amge nug Rebeka awowa, nug oo mak doyom.

Genesis 29:19

Jakop anam a amu, Laban nug oɗeppa awa aum. “Da nug danab laa medakkulnu elele, amge na medakkul am ena amunu, na dahil uɗat hekkut,” awa aum.

Genesis 29:20

Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Genesis 29:30

Aria, Jakop, Rahel ele oiyya, Jakop nug Rahelnu oo mauhom, amge Leanu amu, nug oo anam ii mauhom. Anam oinna, nug ah nuhig Rahelnu uɗat baula maɗ eblaih aɗit heum.

Genesis 31:41

Maɗ 20 amu da na lautppa daami. Maɗ amu ooppa, maɗ 14 laa amu, da na aɗenaɗ diiatkkulnu nahip uɗat hemi. Maɗ eblaih laippu ele laa amu, da doɗ imu nahip doɗ amegppanu diiadkkulnu nahip doɗ gumak uɗat hemi. Anam aakku, amge na dahil uɗat nob amu haen 10 baolime.

2 Samuel 3:14

Dawit nug nai amu Apner dookkunu me ukke, nug ele nai imu Isboset dookkunu nuhig nai awa ukkak danab laa eppelagppa me goppig. Nai amuam inam. “Na heppe, dahil ah Mikal nug dahilppa uɗiaɗ! Anukka da nug aokkulnu da Saul aum bia, da ukken, Pilistia ban danab 100 aqai mauhppig. Mauheg, da hipalag gaɗa ele otaɗatten, akke, Saul mettami.”

Hosea 12:12

Jakop nug awag baɗitta, nug oola ukka, Aram wanppa dayom. Nug appa dayaya, nug ah laa aweb, wau daakkunu haaha, nug danab laanu maɗi nid daya, nuhig uɗat heum. Ao, nug ah daden mekkunu, nug danab laanu sipsip gumattom.

Hosea 3:2

Yawe Nug anam aum amunu, da ah dahil, da nuhignu 170 gram silwa, amu 250 kilogram bali ele, amuppa da daden mein, eɗue aomi.