Genesis 28:5 - Nobonob Baibel

⁵ Anam ana amu, Aisak nug Jakop me, Mesopatemia appa, Laban laugppa ukkom. Laban nug Aram danab Betuel bekka. Nug appinag Rebeka, nug Jakop, Esau ele anilah.

Genesis 28:5 ပူးပေါင်းရင်းမြစ်များ

Genesis 22:23

Betuel aɗeg amu Rebeka. Abraham Nahor ele aa eamag, amu Nahor, Milkah ele oiyya, aa nid amu menuadpiɗ.

Genesis 24:54

Keeke oh matte, nug, amu nuhikkud daup ele ag ee, le ele lawona niippig. Niiona amu, wagɗe buttua ag ahan, maɗi nid nug aum. “Heppeg, da eɗue, paha dahil okkai toppa gokkulnu ool daatte,” awa aum.

Genesis 25:20

Aisak nug maɗ 40 dayaya, nug Betuel aɗeg Rebeka awom. Betuel nug Aram ted Mesopatemianu, amu nug bekka Laban, Rebeka awag, nug ele amu Aram ted.

Genesis 27:43

amunu, na dahil nai imu oh dim lamitte! Na ahan, oolna Haran goppe, da awal Laban ele daaglah.

Genesis 28:2

Na Mesopatemia gona, na anin mameg Betuel laugppa tena, Betuel bekka Laban, na anin awag, na nug aɗeg laippu, ah nahip daakkunu aokkut.

Genesis 29:1

Aria, Jakop ukka ukka, nug danab ah wan laa aam bedeppa daatte, ag appa daatteb ele amu, nug wan amuppa ta,

Genesis 29:12

Gaya mala, nug Rahel amegppa aum. “Da am na ele tiinih laippu, da anil amu Rebeka,” awa aum. Nug anam aum amunu, Rahel nug qaiqaɗ ukka, mameg Laban amegppa aum.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 35:27

Aria, Jakop nug aha, nug mameg Aisak Mamre dayeye, nug nug gumitta noa dayom. Mamre am aab laa onig Kiriat Arba guguittak dayom. Kiriat Araba onig laa am Hebron. Anukka Abraham, Aisak ele Hebron appa daadpiɗ.

Esekiel 27:16

Aram danab ag nahip keeke digdig aoglagnu ag men tekois, lamen perpel, lamen kobol kobol koitak ele, linen hakkab, men maal enanag, amu men rubi ele aon, amuppa nahip keeke daden meppig.

Hosea 12:12

Jakop nug awag baɗitta, nug oola ukka, Aram wanppa dayom. Nug appa dayaya, nug ah laa aweb, wau daakkunu haaha, nug danab laanu maɗi nid daya, nuhig uɗat heum. Ao, nug ah daden mekkunu, nug danab laanu sipsip gumattom.

Duteronomi 26:5

Anam heeb, na Yawe, ahilag Kayak, Nug noobppa inam akkut. “Da mamelad aɗi ag am Aram danab, appalag diig iitta ele oinna, ag hubhub Isip wanppa nona daanna, ag appatna, huu okkainab bena, ɠagattag daappig.