Genesis 28:21 - Nobonob Baibel

²¹ da oiye oiye, eɗuen, da mamel toppa maɗoɗ ele goppi amu, Yawe Nug dahil Kayak daakku.

Genesis 28:21 ပူးပေါင်းရင်းမြစ်များ

2 Samuel 19:24

Amu Saul alag Mepiboset, nug ele king uɗa tekkunu ukkom. Dawit nug Jerusalemnu aha ukkom, haen amuppa Mepiboset nug digma, ⌊Dawit mahittatta,⌋ nug baeg ii iha, id ii awa, lamen ele ii ihom ukke, King Dawit maɗoɗ ele eɗua uɗiom batak.

2 Samuel 19:30

Dawit nug anam a, Mepiboset nug king amegppa aum. “Na dahil naɗi, dahil king. Na maɗoɗ ele eɗun uɗime amunu, Siba nug wan oh aweb, nuhig daakku am nai iitta. Da anidttem amu, na ena anam eɗun uɗime amuib am keeke okkai,” awa aum.

2 King 5:17

Elisa nug anam he, aria Naman nug Elisa amegppa inam aum. “Na da keeke nahip daakkunu hamu medakkulnu hemi ii aokkut dayeb am, nai iitta, amge na appe, laa ag Israel dilag wanppan wan, miul aɗit mawaknu elele, ag wan amu da meɗaglagnu oɗ medattem. Aɗinu? Da, nahip maɗi nid, da baula manaknu ofa, o mana mettak laala ele kayak laa ii medapa. Iitta! Yawe aakkuib medakkul ⌊amunu, da daattemppa nuhig qaɗab wan amuppa qekkulnu hettem⌋.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Eksodas 15:2

Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

Duteronomi 26:17

Gemu ag Yawe Nug ahilag Kayak daatte anan malappig. Ag nuhig kobolppa oinna, ag nuhig ɗo iɗu iɗu, nuhig haknunab anak, nuhig ɗo laa ele dim lamidna, ag Nug keeke ohnu atte amu, ag anam hekkulagnu ele appig.

Ikki Danab 11:31

haen da Amon elelenab eɗittakppanu eɗue enaib uɗikkul amu, da na Yawe, tatam keeke laa da laulppanu uɗia, da uɗal tekkunu uɗikku ele amu, da na medakkul. Nug nahip daakku. Amu tuɗittak amu, da manaknu ofa medakkul,” awa aum.