Genesis 28:18 - Nobonob Baibel

¹⁸ Aria, wagɗe buttuanab Jakop nug men uɗun nuhig awa, aben amuppa at daakkunu qappa, nug goɗen qaɗeppa gokkaɗom.

Genesis 28:18 ပူးပေါင်းရင်းမြစ်များ

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 22:3

Kayak anam a, wagɗe buttuanab Abraham nug aha, keeke maknu donki gomeppa qakka, aab manaknu ofa haknu oppata me, Aisak, maɗi nid aɗit ele omalatte, aben Kayak aum, amuppa gokkulagnu goppig.

Genesis 28:11

Nug ugakka, nug aben laappa te, aam noum amunu, nug tuqan niikkunu dayom. Dayaya amu, nug appanu men laa awa, uɗun ma niiom.

Genesis 31:13

Da am Kayak, na Betel uppa aniɗme ele. Na aben amuppa goɗen men qaɗeppa gokkaɗna, keeke laa genabnab hekkutnu nai anan qakkame. Amu na wan imu paha uuna, eɗun na wanen diigppa gokkut.’ Kayak Nug anam da amelppa aum,” awa aum.

Genesis 31:45

Laban nug anam a amu, Jakop nug men laa awa, at daakkunu qappom.

Genesis 35:14

Attan te amu, Jakop nug Betel appa, Kayak nug amegppa nai mattiomppa men, at daakkunu, nug men qappe dayeye, nug wain gokkaɗaknu ofa daakkunu wain men qaɗeppa gokkaɗa, goɗen ele gokkaɗom.

Genesis 35:20

Boumona amu, Jakop nug men laa awa, at daakkunu Rahel boumppigppa qappom; am gemu, ⌊nai imu yaak haenppa⌋ am ele daatte.

2 Samuel 18:18

Amu Apsalom ii mauhom haenppa, nug bau dayaya, nug men okkai laa babaitta, nug men amu oolnu noak onig Kingnu Oolnu Noak, aguppa qappe dayom. Nug amu heumnu diig am nug nukka, nug mattia inam aum. “Da nid danab iitta amunu, danab ah oh ag dahilnu daulag ii atimanu, da men imu ag dahilnu dabmekkulagnu hettem,” awa aum. Nug nukka nug onig men amuppa qataqeum, amu haen amuppa, gemu ⌊nai imu yaak haenppa⌋ ele, danab ah ag men amunu, “Apsalomnu at,” aon atteb.

Sam 119:60

Nahip ɗo, da aɗi keeke hekkulnu atte amu, da pahanab dim lamitte hekkul. Da ameg mein daappi ukkeb haknu amu, da amu ii hepa.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Aisaia 19:19

Haen amuppa geha Yawenu qaɗab laa Isip dilag wan ooppa daakku. Laa amu, geha men biidod laa danab ah anidna, ag Yawe tutukku dabmekkulagnu Isip dilag tomppa daakku.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.

Josua 4:9

Ag men amu maon gona maatteg, Josua nug qappalattom. Men amuam Jodan le gamagppanu, aben mana mettak danab ag Tituanak Nainu Kunup kontrak inak ele amu, ag kunup amu maon hippaidppigppanu awak. Amu men amu ag daaeg uɗie, gemu ⌊nai imu yaak haenppa⌋ ele daatteb.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.