Genesis 28:16 - Nobonob Baibel

¹⁶ Jakop keeke amu oh antta aha, dabmak awa, dabmakppa inam aum. “Yawe aben imuppa daatte, amge da ii doomi,” awa dabmeum.

Genesis 28:16 ပူးပေါင်းရင်းမြစ်များ

1 King 3:15

Solomon nug niia aha, nug doyom, nug tul niiakppa Kayak Nug nug amegppa nai mattie doyom. Doya, Solomon nug aha, eɗua Jerusalem ukka, Yawenu Tituanak Nainu Kunup kontrak inak ele noobppa hibaitta dayom. Amu nug manaknu ofa hatta, nug laippu dayaknu ofa ele hattom. Mana mettak hewowa, dimppa amu nug ee okkai nuhikkud ehanittak anuqak danab dilag ele heum.

Job 33:14

Amuam genab iitta. Aɗinu? Kayak Nug nainu nob ib laippuppaib danab ii madatte. Deɗ laa Nug ib laappa nainu nob madatte. Deɗ laa am ib laappa. Nug anamib heehe, danab ag pehettak ii dootteb.

Job 9:11

Kayak Nug da qe-eɗila ugekke, da nug ii anidttem. Ao, Nug da qe-eɗila ugekke, da Nug amu heum dookkulnu elele iitta.

Sam 139:7

Da nahip Ouɗi uuitte oole gokkulnu elele iitta. Ge! Da na noomppanu awaitten, laih gokkulnu elele iitta.

Sam 68:35

Kayak Nug nuhig mettid lakka dayeye, danab ah ag Nug anidna, ag ebehilag oh bodoetta le mette. Nug am Israel dilag Kayak. Nug danab ah nuhikkud ɠagattag aqadtte. Ig Kayak binag humatu!

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Eksodas 3:4

Amu Yawe Nug Moses ad nakok amu anidkkunu gukkuitta ugekke antta, Kayak Nug baag aab ewak amu ooppanu, “Moses, Moses,” awa aum. A amu, Moses nug aum. “Da iikku daattem,” awa aum.

Eksodas 3:5

Awa a amu, Kayak Nug aum. “Na tuɗidna, aib gukkuiɗna dome,” awa aum. Nug anam anana, Nug nai tuɗitta aum. “Wan na hippaidna daattemppa, amuam dahilnu tituanak daatte amunu, na baen gaɗa meme ele amu, na uɗe!” awa aum.

Aisaia 8:13

Amu Yawe Nukka Ɠagattag Oh Ele, na Nugib am oppiaawak ele doye! Na ⌊Nug noobppa eheɗ hemananu, na⌋ nuhignuib baɗak doye! Ao, na nuhignuib ebehin oh bodoetta le maɗ!

Jeremaia 31:26

Ag anam daanna, ag akkulag. ‘Da ahe, neekki ukke, enanag niimi aakku doomi,’ aon akkulag.” Yawe Nug anam awa atte.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

Josua 5:15

Josua nug Yawenu ban daup ikki amu anam oɗ mette, ban daup ikki nug nob ma aum. “Aben na hippaidme daattem ele, amuam Kayaknu tituanak daatte amunu, na baen gaɗa uɗe!” awa aum. Nug anam a amu, Josua nug anam aakku heum.