Genesis 28:12 - Nobonob Baibel

¹² Niiaya, tuqan tulppa nug adqaɗ laa anttom. Adqaɗ amu diig wan ya ukka, hab aabppa tak dayeye anttom. Dayeye, Kayaknu engel ag adqaɗ amuppa nenan tenan daappig.

Genesis 28:12 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 15:12

Lamatte, aam noono, Abram nug niia gad meeme, gatatu nau, hinqaknab na tonene, nug baɗak okkai doyom.

Genesis 20:3

Awom, amge dimppa Kayak Nug tulppa Abimelek amegppa aum. “Na ah aome ele amu, nug danab ele amunu, na mauhme daattem,” awa aum.

Genesis 41:1

Grep titia mettak danab nug daug atie ukke, maɗ aɗit dimppa amu, Paro nug tul niiom. Tulppa nug le Nil daugppa dayeye,

1 King 19:5

Elaiya nug anam ana, nug ad amu waappa na qa niieye, Yawenu engel laa nug uɗia, Elaiya aɗe, Elaiya ameg oppate, engel nug Elaiya amegppa aum. “Ahan ee la!” awa aum.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Daniel 7:1

⌊Amge amu oh ii nak haenppa,⌋ Babilon dilag king Belsasar nug king abenab awa, maɗ laa ii ukkom, nuhig king dayaknu maɗ tatamnu amu, Daniel nug tul niiom. Nug niiak abenppa niiaya, tul niia, tuleglegppa keeke digdig anttom. Nug tul anam niia, aɗi aɗi anttom amu, nug amunu nai ikki ikki am yom.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Matyu 2:19

Aria, Josep aɗi ag Isip gona daaegeg, Herot nug mauhe, Naɗinu engel tulppa Josep gumitta doum.

Jon 1:51

Jesus Nug anam ana, Nug nai baula ele tuɗitta aum. “Da genabnab genab ag amelagppa attem, geha hab aab obateb, Kayaknu engel ag Danab Bekkalag da, da gumiɗna nenan tebeppeg anadkkulag,” awa aum.

Hibru 1:1

Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.