Genesis 28:10 - Nobonob Baibel

¹⁰ Amu Jakop nug Mesopotamia gokkunu ugakka, nug Berseba uua, Haran gokkunu ukkom.

Genesis 28:10 ပူးပေါင်းရင်းမြစ်များ

Genesis 11:31

Anam daye amu, Tera, amu nug bekka Abram, nug alag Lot, amu nug ahipa Sarai ele, nug ag omalatta ukkom. Lot amu, nug Haran bekka, amu Sarai, nug am Abram wau. Tera aɗi ele ag aab onig Ur, Kaldia wanppa daatte, ag aab amu uuna, Kanan wanppa gokkulagnu ahappig. Ahana amu, ag gona, Haran aabppa tena, ag aab amu uun, Kanan wanppa ii goppig. Iitta. Ag aguppa daaglagnu daappig.

Genesis 12:4

Anam amunu, Abram nug maɗ 75 dayaya, Yawe matu aum bia, nug Haran aab uua ugekke, Lot nug ele gopiɗ.

Genesis 12:5

Abram, nug wau Sarai, aria nug awag bekka Lot, nuhikkud daup danab Harannu diiom, amu keeke oh Harannu awom ele amu, nug amu oh diie, ahan Kanan wanppa goppig.

Genesis 26:23

Dimppa Aisak nug aha, wan amu uua, Berseba ukke,

Genesis 27:43

amunu, na dahil nai imu oh dim lamitte! Na ahan, oolna Haran goppe, da awal Laban ele daaglah.

Genesis 29:4

Jakop nug ta, nug sipsip gumak danab oɗ mattom. “O lailad, ag adeppanu?” awa oɗ mattom. Oɗ matte amu, ag appig. “Ig am Harannu,” aon appig.

Genesis 32:10

Da am nahip maɗi nid, na dahilnu oo mauhaknab kobol, oo metta ii uuak kobol ele doon hettem, amge da am nid ena amunu na amu helom am iittanab. Anukka da dahil hokkat eleib Jodan le mataɗmi; gemu amu, da danab ameg aɗit ele.

Genesis 35:1

Dimppa Kayak Nug Jakop amegppa aum. “Anukka haen na Esaunu oolna ukkaeye, da nagattoppa Betel appa gumitten nemi. Uppa nemi amunu, na ahan gona, Betel daanna, dahil qaɗab appa qekkut,” awa aum.

Genesis 35:7

Appa tewona, Jakop nug qaɗab qa, nug aben amu onig El Betel ataɗom. Aɗinu? Anukka Jakop nug Esaunu baɗa oola ugekke, Kayak Nug aben amuppa Jakop gumitta ne anttom.

Genesis 46:1

Jakop anam awowa, nug aha, keeke oh babaitta, nug baekkudppa oh omalatta, keeke oh nuhignu dayom ele awa ukka, Berseba appa doɗ manatta, nug mameg Aisaknu Kayak mettom.

Eksodas 33:1

Amu Yawe Nug Moses amegppa inam aum. “Na danab ah na Isipnu omalatte uɗippig ele amu, ag aben imu uun, wan laa, da Abraham, Aisak, Jakop ele wan amunu amelagppa, ‘Wan laih umu, geha da ag buɗulkad madakkul’ mattien, nai ɠagattag qettami amu, ag wan amuppa gokkulagnu omaladna ukke!

Hosea 12:12

Jakop nug awag baɗitta, nug oola ukka, Aram wanppa dayom. Nug appa dayaya, nug ah laa aweb, wau daakkunu haaha, nug danab laanu maɗi nid daya, nuhig uɗat heum. Ao, nug ah daden mekkunu, nug danab laanu sipsip gumattom.

Aposel 25:13

Am deɗ laala uue amu King Agripa amu Bernaisi ele, ⌊aa eappinag amu⌋, aa Pestus humidkkulahnu Sisaria uɗipiɗ.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.