Genesis 27:46 - Nobonob Baibel

⁴⁶ Rebeka nug Jakop amegppa awowa, nug ukka Aisak amegppa aum. “Da Hit ahnu ool bahi yaatte. Jakop nug ag oolagppanu ah laa aolo amu, da mauhlom am ena,” awa aum.

Genesis 27:46 ပူးပေါင်းရင်းမြစ်များ

Genesis 24:3

na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

Genesis 28:8

Esau nug keeke amu doya, nug mameg Aisak nug Kanan ahnu oo gamag ii ahom doyom

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

Job 14:13

O Kayak, na mauhak abenppa lokkumiɗppe, nahip oo nauhak iitta meeb, na eɗun maɗeɗilomnu ool daatte. Ao, na haen adekkunab eɗun ehaniɗppe, da ena daakkulnu haen tituanna, haen amuppa na dabmeɗan ehaniɗlomnu ool daatte.

Job 7:16

Da bau dayak dahilnu ena iinab doottem. Da hanhan daakkulnu ool ii daatte. O Kayak, dahil bau dayak am tutunab, omuh ta, paha iitta mette amubia amunu, na da uuiɗppe ⌊mauhkkul⌋ am ena.

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Namba 11:15

Na tuɗidna, da uug naunab amubia maokkulnu akkutnu dabmettem dayeb amu, da hekkulnu elele iitta amunu, na dahilnu ena doottem dayeb, na iuppe mauhkkulnu oɗ medattem. Na dahilnu oot dootte dayeb amu, na heppe, da uug naunab waappa nauhak ii aopanu oɗ medattem,” awa aum.