Genesis 27:41 - Nobonob Baibel

⁴¹ Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 27:41 ပူးပေါင်းရင်းမြစ်များ

Genesis 27:42

Nug anam a, laa mattie, Rebeka nug doya, nug bekka gehanu Jakop onigppa e uɗie, amegppa aum. “O nan, na awan Esau nug na nitteb mauhppe, nug oo ena daakkunu dabmak awom daatte

Genesis 32:11

Da Esau nug uɗia, da, dahilad ah, amu nid naunau dahilad ele, nug ihinignu ban hekkunu baɗattem amunu, na da ehaniɗppe padal ii mepanu oɗ medattem.

Genesis 32:3

Haen amuppa Jakop awag Esau, nug Edom wanppa, onig laa Seir, nug appa dayom. Dayeye, Jakop nug nuhikkud maɗi nid laa ag Esaunu nai aon gokkulagnu he goppig.

Genesis 32:6

Anam awa a amu, danab ag nai aon gona, eɗun uɗina, haen amuppa ag Jakop amegppa appig. “Ig na awan Esau toppanu iikku uɗimut. Nug na uɗan tekkutnu uɗitte; nug amu nuhikkud daup 400 ele,” aon appig.

Genesis 35:29

Nug kainonab ma, nug mauhe, nug bekoɗ Esau, Jakop ele boumpiɗ.

Genesis 37:18

Amu Josep anam ugekke, nug awakkud ag neekkeg ukke, Josep nug uma uɗieye anidna, ag qekkulagnu nai inam akka akka madippig.

Genesis 37:4

Josep awakkud ag mamelag nug Josepnu oo mauhak okkainab dootte, ahilagnu doyom eɗittak doyegeg, ag Josepnu nau ninig ele doon, nug ele nai ena ii madittappig.

Genesis 37:8

Nug anam a, nug awakkud ag appig. “Nahip dabmakppa na ig gumigkkutte? Genab, na ihinig okkai daakkutte?” aon appig. Ag anam anana amu, ag tul niiak nuhignu, nug nai mattiomnu ele, ag nuhignu nau ninig ele huanak dooppig.

Genesis 50:15

Jakop mauhe, bekkod Kanan wanppa boumona, ag eɗun Isip gona, dimppa haen Josep awakkud ag mamelag mauhom dabmena amu, ag akka akka nai inam madippig. “Josep nug ig keeke oh nuhigppa hemut, amunu ooppa aikkak dayeb amu, nug nob megakkutai,” aon appig.

Genesis 50:2

Anam ha mala amu, Josep nug Isipnu gaɗa babaittak danab ag nug waappa daappig, nug ag onilagppa e uɗieg, ag nug mameg Israel gaɗa aon, marasin meppeg, ii beɗamanu aum. Nug a, ag amu attem hekkulagnu deɗ 40 daanna hekkulag amunu, ag ahilag kobolppa deɗ 40 elele heppig. Amu Isip danab ag deɗ 70 Jakopnu oo doyak doonna daappig.

2 Stori 35:24

Nug anam a, ag ban haknu karis amuppanu aon, nuhig karis laappa mena, aon Jerusalem ukkaeg, appa nug mauhom. Nug mauhe, ag nug mamekkud aɗi boumadppigppa nug boumppig. Amu Juda danab ah oh, laa Jerusalemnu, laa Juda wanppa laih laihnu amu, ag nug mahidppig.

Sam 142:3

O Yawe, da oolppa elele ii doottem haenppa amu, ib da gottem ele, na ib amu doottem. Amu ib da gottem ele, amuppa danab ag da aɗailkkulagnu pelem laa lokkumna meppig daatte, ⌊amge na amunu aben ele doottem⌋.

Sam 35:14

Da ag am dahiladnab, o da baeladppa bianab doye oiyeye mahimi. Ao, da anilnunab, da nuhignu mahilom bia, da dup noin aute awen mahimi.

Sam 37:16

Genab tutukku hak dim lamittak am enaib. Laa nug genab tutukku hak danab dayaya, keeke nakoknabib eppegppa aɗakkutai, amge nug genab tutukku hak danab daatte amunu, nug enanag daatte. Amge nau hak kobol dim lamittak am nauib. Laa nug nau hak danab dayaya, enub okkai eppegppa aɗakkutai, amge nug am nau hak danab daatte amunu, nug nauib daatte.

Prowerb 1:16

Na ag ele oh ii gomananu diig am inam. Ag pahaettak hipunin hekkulagnu hetteb. Ao, ag laa qeppeg mauhkkunu oolag huana hette.

Prowerb 18:19

Na aɗi heppe, na awan, o amap nug oo nauhkku dayeb amu, na eɗun nug ele laippu daaglahnu am uug naunab nau, danab nug aab ooppa aben aɗ ɠagattagnab ele eɗidkkunu uug bia. Ao, na laa ele nug qeyaya daaglah dayeb amu, na eɗun heppe, eheɗ hak amu iitta mekkunu am uug naunab nau, aab aɗ ɠagattagnab ele, aab amunu manak qaknu keeke heeb aoɗkkunu uug bia.

Prowerb 6:14

Ao, nug ooppa hambuppuak dayeye, nug eheɗ hekkunu maittak aotte; nug danab ah oolagppa hanhan kaboliak daakkunu heehe, nug qak daatte.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Esekiel 35:5

Edom danab ah, ag haen elabnab uɗie, gemu ele ag Israel dilag kekeɗ daatteb. Ag anam daanna, haen Israel ag ahilag bu awak haen gogppa teum, haen amuppa kekeɗ ag uɗin, Israel ban hekkulagnu uɗippig amu, ag kekeɗ ehanattegeg, ag Israel huanak qep elabppa aqappig,’ ” awa atte.

Duteronomi 34:8

Israel danab ah ag deɗ 30 oh Moap atu uɗemppa, appa Moses mahidnana daappig. Ag ahilag kobol dim lamidna, nuhig mahittak heeg ukke, amu haen malakkunu te, ag malappig.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.