Genesis 27:28 - Nobonob Baibel

²⁸ Kayak Nug na gu, wan ittag ele medakkunu ool daatte. Ao, Kayak Nug heeb, na ee kuɗum, iɗu iɗu ele daakkutnu ool hette.

Genesis 27:28 ပူးပေါင်းရင်းမြစ်များ

Genesis 27:37

Esau anam oɗ mette amu, Aisak nug oɗeppa awa aum. “Da hemi amu, na nug waappa daattem. Na buɗunad ag ele nug waappa daaglag. Nug ee iɗu iɗu elelenab ele nuhigppa daakku amunu, da na itittak ena nai aɗi laa medakkul?” awa aum.

Genesis 27:39

Nug anam gaye, aria Aisak nug aum. “Aben nahip am wan ittag ena ele iitta. Ao, aben nahip am gu okkai ii aoma.

Genesis 45:18

ag mamelag, amu ag baelkadppa ele diin, eɗun dahilppa uɗippeg, da ag Isip wan laih laa enanagnab madappi, ag Isip wanppanu ee enanag lakkulag,’ ” awa aum.

Genesis 49:20

Aser, nuhignu amu, nug ee enanag eppa meu aokku. Ao, nug ee enanag, king latte, nug amubia eppa meu aokku.

Genesis 49:25

Kayak, Nug da, Jakop, dahil Kayak, Nug na, Josep, Nug na ehanidtte. Ao, Laa Nukka Ɠagattag Oh Ele, Nug na itidtte. Josep, nahipnu amu, Kayak Nug na hab waappanu itittak ena na mettatta, gu medatte. Ao, Nug wan unuqagppanu itittak ena na mettatta he, nahip wanppa le qeppuɗia bette. Am genab, Nug itittak ena na mettatta he, na nid, doɗ ele kuɗum ele daattem.

2 Samuel 1:21

Gu, baito ele Gilboa wanppan qaukoppa aib neum. Ao, ee aegnu ofanu keeke ele wan amuppa aib ba, meu oum. Aɗinu? Aben amuppa kekeɗ ag heeg, danab okkai, ɠagattag ele, nuhig guppiɗ am dubuttid tak ele dayom. Ao, gemu amu, laa nug Saulnu guppiɗ goɗenppa ii bappaidtte.

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

1 King 5:11

Amu Solomon nug Hiram wit aeg, uug nuhig 2,000,000 kilogram, amu 400,000 lita olip goɗen ena ele maɗ ohppa medattom. Ee amuam Hiram, nug danab nug ele daatteb ele lakkulagnu madattom.

2 Stori 2:10

Na amu hekkut dayeb amu, da nahipad maɗi nid ag ad oadkkulag amu, da 2,000,000 kilogram wit, 2,000,000 kilogram bali, 400,000 lita wain, 400,000 lita olip goɗen ele madakkul,” awa aum.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Sam 36:8

⌊O Yawe,⌋ danab laa nug laugppa ee kuɗum ele dayeye, danab ah ag hanhan wana, ag ee oh oolag heumnu latteb, na amubia danab ah atognoadttem. Danab laa nug le enanagnab ele dayeye, danab ah ag nuhigppa gona latteb, na amubia dabmattan hettem.

Prowerb 19:12

Kingnu oppoɗi be ameg kokoɗ eppak am laion baunu gayak bia; amge ena doyak nuhig am gikkiɗahppa baito daatte bia.

Prowerb 3:20

Yawe Nug nuhig doyakppa he, yu beum daatte; Nug he, baito habppanu nette.

Aisaia 45:8

Gu na, wan oh leppu medatte, amubia genab tutukku hak kobol hab attannu wan atu oh tonaɗ! Ao, gu lombigppanu na, wan oh leppu medatte, amubia genab tutukku hak kobol hab attannu na, wan atu ohppa dayaɗ! Wan nug gu awe, keeke bette, amubia ⌊genab tutukku hak kobol neeb,⌋ Padal ii maknu ehanittak kobol ba, okkai maɗ! Ao, wan gu awe, keeke bette, amubia ⌊genab tutukku hak kobol neeb,⌋ kobol amu, Padal ii maknu ehanittak kobol ele oh laippu okkai meiɗ! Da, da Yawe, da kobol amu hei beum.

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Joel 2:19

Yawe Nug anam dookku amunu, Nug nuhikkud danab ah amelagppa inam akku. “Da heppi, ee, wain bau, olip goɗen ele elelenab daappeg, ag ee elelenab lakkulag. Haen laala da hei, danab ah wanppan wan laalappanu ag, ag Israel ahilagnu, ‘Keeke hamunab,’ dooppig amu, da baula anam ii hepa; iitta.

Maika 5:7

Amu dimppa amu, oɗo yaak danab Jakop buɗubppanu amu, ag danab ah laa oh oolagppa daaglag. Baito Yawe me nette amu, baito amuam danab amelag ii mette. Ao, gu nakok gikkiɗahppa nette, gu amuam laa dilag ameg mak ii hette. ⌊Amubia Jakop buɗub ag Yawenu ehanittak aakkuib dabmekkulag, danab dilag iitta⌋.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Namba 13:20

Wan ele, ittag elete, ittag iittate, amu ad wan amuppa beppig daattebte, o iittate, ag amu ele neegna antteg! Ag eɗun uɗinna, ag ib nakok laa anidkkulag dayeb, ag wan amunu ad meu, keeke aon ele uɗiglag,” awa aum. Ag gokkulagnu daappig amu, haen amuam grep meu tatam lep meppignu haennab dayom.

Namba 18:12

Am Israel ag olip goɗen enanag, aria wain bau tatamnu enanag, ee aeg tatam oɗutte enanag, ag da Yawe, ag da meɗatteb amu, da amu oh na, na begapad ele madattem.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

Duteronomi 33:13

Moses nug amu awowa, nug Israel dilag huu okkai Josepnu imu aum. “Da Yawe Nug Josep buɗub inam itadkkunu ool daatte. Nug heeb, habppan le ahilag wanppa elele nekku. Nug heeb, le wan ooppanu qeppuɗia bekku.

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.

Duteronomi 7:13

Nug ag ahilagnu oo mauheb, ag itatta heeb, ag appatna, kuɗum bekkulag. Nug geha heeb, ag nid naunau kuɗum ele daappeg, Nug heeb, wan ahilag ittag ele dayebeb, doɗ ele ag mattoi ii daamna. Haen ag wan Nug ag mamelkad aɗi madakkununab nuhig nai ɠagattag qetta aum ele, amuppa nona amu, ag en kuɗum ele daaglag: amuam ee aeg, wain bau, olip goɗen, amu makau, sipsip, meeme ele, ag amu kuɗum ele daaglag.

Hibru 11:20

Aisak nug Kayaknu ooppa genab doyom amunu, dimppa ahilahppa aɗi keeke bekkunu amu, nug Jakop, Esau ele itittak ena matom.