Genesis 26:8 - Nobonob Baibel

⁸ Aisak, Rebeka ele haen elab appa daaeh ukke, deɗ laa Abimelek, Pilistia dilag king, nug gililppa ulah ibuppa daya, neekke ukke, Aisak wau ele aa ewau kobol laa heya daaeheh anatom.

Genesis 26:8 ပူးပေါင်းရင်းမြစ်များ

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.

Genesis 26:9

Anata amu, nug Aisak onigppa e uɗie, amegppa aum. “Ah amu, nug na waat! Aɗinu na, ‘Nug am da appinal,’ ame?” Anam a amu, Aisak nug aum. “Da nuhignu mauhpanu baɗami amunu, da anam ami,” awa aum.

Prowerb 7:6

Da amu attemnu diig am, deɗ laa da laulnu gililppa ulah ibuppa ukke, neekki ukke,

Eklisiastis 9:9

Wan imuppan dayakppa am dayak gaɗappa, unuqagppa ele anttak laippu iitta, amu Kayak Nug wan imuppa na haen gane bau daan oikkutnu tituanom amu, haen amu oh na ah nahip, na nuhignu oot mauhtte amu, na gamag ahak ele nug ele daayya oiyeɗ! Aɗinu? Kayak Nug na amu hekkutnu metta, aam waappa na uɗat heɗiag ele henan daakkutnu ele mettom.

Solomonnu Ahi 2:9

Laa nug dahilnu oo mauhtte, nug am doɗ gasel, o doɗ dia gaiɗ, nug amubia daatte; amu antte! Nug ii launih gilil heqo laihppa daatte. Nug gililppa ulah ibuppa dayaya, neekke lag ooppa uɗitte; nug oo ⌊da daattemppa⌋, nug amuppa neekkakka daatte.

Aisaia 62:5

Amu danab bau laa nug ah makkun laa awa atognotte, amubia ag Juda danab ah ag wan ahilag atognokkulag. Yo, danab nug ah awa, oo huana gamag ahatte, amubia Kayak ahilag Nug ahilagnu oo enanag daakku.

Ikki Danab 5:28

Sisera nug appa mauhom, amge anig laugppa gililppa ulah ibuppa amu, Sisera anig nug appa dayaya, neekke ukkom. Yo, gililppa ulah ibuppa nug eɗua uɗiebeb anidkkunu neekkom. Nug aum. ‘Nug aɗinu nuhig bannu karisppa eɗua aabppa uɗikkunu amu oiyeye, haen elabnab gotte? Aɗinu ig bannu karis nuhignu oqotti paha ii doottem?’ awa oɗmak heum.