Genesis 26:31 - Nobonob Baibel

³¹ wagɗe buttuanab ag ahan, Pilistia, aria Aisak ele ag nai ɠagattag qa anak ahilag qakkona, Aisak a, ag eɗun maɗoɗ ele goppig.

Genesis 26:31 ပူးပေါင်းရင်းမြစ်များ

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

Genesis 19:2

Wanppa ma amu, nug aum. “O danab okkai aɗit dahilaɗ, aa da, da ahilah maɗi nid amu, aa da laulppa gokkulahnu ool daatte. Aa goya, baelah ihoya, tuqan imuppa niiyya, butti buttua ahaya gokkulah,” awa aum. Nug anam aum, amge engel aɗit aa nug amegppa apiɗ. “Iitta! I qagmak aben imuppa niignih,” aoya apiɗ.

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 21:23

amunu, na ippa Kayak noobppa, da amelppa na dahilppa, da bekkaladppa, amu da buɗuladppa ele hambuppuak kobol laa ii dim lamidna, aria na da, wan imu, na gemu laihnu danab ippa ina daattem amu, na da, wan imu eleppa oo bodoettak kobol, da nahip-ppa hemi, na kobol amu dim lamidna oikkutnu nahip nai ɠagattag qena, anam akkutnu oɗ medattem.” Abimelek nug Abraham amu akkunu oɗ mettom.

Genesis 21:27

Abimelek anam a amu, Abraham nug nuhig sipsip laala, amu makau laala ele Abimelek mette, aa nug tituanpiɗ.

Genesis 22:3

Kayak anam a, wagɗe buttuanab Abraham nug aha, keeke maknu donki gomeppa qakka, aab manaknu ofa haknu oppata me, Aisak, maɗi nid aɗit ele omalatte, aben Kayak aum, amuppa gokkulagnu goppig.

Genesis 25:33

Esau anam aum, amge Jakop nug aum. “Na keeke amunu meɗakkutnu tatam nahip nai ɠagattag qettana, da amelppa appe doyen, da ee imu medakkul,” awa aum. Anam a amu, Esau nug nuhig nid danab tatamnu itittak ena anuqak Jakop medakkunu nuhig nai ɠagattag qetta aum.

Genesis 26:32

Ag ukkaegeg, Aisaknu maɗi nid ag uɗin, Aisak amegppa appig. “Ig le moɗ laa buuta, le anidmut,” aon appig.

Genesis 31:44

Elele iitta amunu, i nug tituanɗa nai qakkagnih. I nug tituanɗa nai qakkagnih amu, nug tituana nai qakkak amuam i oonihppa laa aɗi heehe anttomnu mattiak danab bia daakku,” awa aum.

Genesis 31:55

Aria, wagɗe buttuanab Laban aha, aɗekuɗ, alakkud ele ootuqatta, itittak ena mattowa, nug eɗua appagppa ukkom.

Hibru 6:16

Aria, nai ɠagattag qetta anak kobol am inam. Danab nug nai nuhig danab laa onigppa ɠagattag qedatte. Danab laa am danab nai ɠagattag qedatte ele eɗittak amunu, danab laa nai nuhig ɠagattag qedatte amu, laanu nai nuhig nai eɗidmanu, nug laa nug eɗittak onig awa, attan ma nuhig nai onig amuppa ɠagattag qedatta, laanu nai okkultte.

1 Samuel 14:24

Amu Saul nug deɗ amuppa Kayak onig awa, nuhig nai ɠagattag qetta, inam aum. “Israel daup laa nug deɗ imuppa, aam ii noobob, da dahilad kekeɗ nob nau elele ii madappi, ee nakok laa lakku dayeb amu, nug eheɗ laa awaknu anak waappa dayaɗ!” awa aum. Saul nug anam aum, Israel ag oolagppan laa nug ee nakok laa ii laum amunu, ag uug nau daan oippig.

1 Samuel 20:3

Jonatan anam aum, amge Dawit nug nuhig nai ɠagattag qetta, nug nob ma amegppa aum. “Na mamen nug na dahilnu ena doottem dootte amunu, nug inam dabmette. ‘Jonatan nug da Dawit qeppi mauhkkunu hettem doya amu, nug ooppa guittak naunab dookku. Nug anam dookku amunu, nug aib amu doyom!’ Nuhig dabmak anam daatte amunu, nug da iweb mauhkkulnu hette amu, dabmak amuam nuhigppaib lokkumak daatte. Nug amu hette am, na nuhig dabmak amu ii doottem, amge Yawe genab bau daatte, na ele genab bau daattem, genab amubia na mamen nug da iweb mauhkkulnu hette; dahil mauhak amu miagnab daatte,” awa aum.

1 Samuel 30:15

Nug anam a amu, Dawit nug oɗ mettom. “Na da omaiɗna, ban danab ameg amu daatteppa appa gokkutnu elelete?” Dawit nug anam a, danab amu nug nob ma, amegppa aum. “Na nai nahip Kayak onigppa ɠagattag qettan, na da ii iuppe mauhkkulnu, na eɗun, da danab okkai dahil eppegppa ele ii meiɗmananu akkut amu, da geha na omaitte gokkul,” awa aum.