Genesis 25:8 - Nobonob Baibel

⁸ nug mauhom. Nug am danab kainonab. Haen elab wanppa oiya, nug mauhom.

Genesis 25:8 ပူးပေါင်းရင်းမြစ်များ

Genesis 15:15

Amge na daanna oikkutnu am inam. Na oot maɗoɗ ele dayebeb ukkeb, kaino elelenab mena mauhkkut.

Genesis 25:17

Aria, Ismael nug maɗ 137 dayaya, nug mauhe,

Genesis 25:7

Amu Abraham nug maɗ 175 dayaya,

Genesis 35:18

Nug anam a, Rahel nug mauhkkunu miag dayom amunu, nug nid onig Benoni ataɗom. Ataɗom, amge Jakop nug onig Benyamin ataɗom.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

Genesis 49:29

Jakop nug bekkod itatta mala amu, nug ⌊baula⌋ aum. “Anukka Abraham nug wan laa, men oɗe ele, Hit danab Epron, nuhigppanu daden meum. Wan amu onig Makpela, Kanan wanppa Mamre guguittak daatte. Ag Abraham, nug wau Sarah ele, amu Aisak, nug wau Rebeka ele appa boumadppig. Da waal Lea ele appa boummi. Amu gemu da mauhkkul hettem amunu, da ele appa boumiɗkkulag. Abraham nug wan amu, men oɗe ele Hit danab, nuhigppan awom,” awa aum. Jakop Nug anam awowa amu, nug eɗua, nuhig niiak abenppa niiaya, nug mauhom.

Genesis 50:13

Ag nug gaɗa maon Kanan wanppa gona, ag appa wan onig Makpela, Mamre guguittak, men oɗeppa boumppig. Abraham nug men oɗe amu, wan dayomppa ele Hit danab onig Epron, nuhigppanu boumak aben daakkunu awom.

1 Stori 23:1

Amu Dawit nug kainonab ma dayaya, nug he, nug bekka Solomon nug Israel dilag king dayom.

1 Stori 29:28

Nug anam king daye ukke mauhom amu, nug kainonab dayaya mauhom. Nug haen elab bau daya oiyaya mauhom. Nug en okkai ele, binag ele okkai ele. Nug mauhkkun heehe, nug bekka Solomon nug ou daya, king abennabppa ta dayom.

2 Stori 24:15

Amu Jehoiada nug anam daya he ukke ukke, nug kainonab ma, nug maɗ 130 dayaya amu, nug mauhom.

Job 41:32

Nug le gaɗappa oiyaya, uub naɗi ugekke, dimugppa uubnu le ippu aam ye, amemɗiag aotte, amubia nug dimugppa daatte; danab nug amu antta, nug, ‘Boobppa he, le hipaɗ qette,’ dootte.

Job 42:17

Job anam daya, memetappud amu anatta, nug kainonab ma dayaya, nug aakku mauhom.

Job 5:26

⌊Kayak Nug heeb,⌋ na kaino elelenab mena, mauhkkut; danab ee meu oɗue haenppa aotte, amubia.

Prowerb 20:29

Nid bau ag ahilag ɠagattagppa binalag aotteb; danab kaino ag ikkilag umimi bakppa amu aotteb.

Jeremaia 6:11

Juda danab ah ag hipunin huan heegeg, Yawe Nug amunu oppoɗi bak dootte, da oppoɗi bak amu ele doyeye, tuɗitten ii ippunadkkulnu ib laa ii anidttem,” awe ami. Da anam ai, Yawe Nug aum. “Na oppoɗi bak Juda dilagppa bekku amu, na amunu ag amelagppa appe doyeg! Na nid naunau ibppa qiɗ henan daatteb, nid danab bau qagmen daatteb, ewau daatteb, kaino ele amelagppa appe doyeg! Oppoɗi bak amuam ag ohnab tonadkku.

Namba 20:24

“Aa oh Meriba appa dahil haknunab nai tappaeh neum amunu Aron, nug wan da Israel madakkulnu hettem ele, nug amuppa ii noma. Nug geha ippa mauhkku.

Namba 27:13

Na ⌊piɗe appa daanna⌋ anttona amu, na ele na amap Aron mauhom bia mauhkut.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aposel 5:10

Pita nug anam aawo, ah amu laippun nug baegppa na qa mauhe, nid bau ag lag amu ooppa nona, ah mauhom anidna, ag aon maon gona, gamu boumppigppa ouqen boumppig.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

Duteronomi 32:50

Qauko na tekkut amu, na appa, na amap Aron nug Hor qaukoppa mauhom, amubia na qauko imuppa mauhkkut.

Ikki Danab 2:10

Aria, danab menuattak huu laippu bia amu, ag oh mauheg, menuattak baula bena, ag Yawe Nug keeke okkai okkai Israel dilagnu heum ii anidnana, ag nuhignu ele dab-ii-meppig.

Ikki Danab 8:32

Anam daye ukke, Gideon nug kainonab ma mauhe, nug gaɗa amu Opra, Abieser buɗub dilag wanppa, mameg Joasnu men oɗeppa, appa boumppig.