Genesis 25:34 - Nobonob Baibel

³⁴ Anam he amu, Jakop nug Esau bret, amu bin diig laa onig lentil, amunu lewa ele mettom. Mette, Esau nug lawowa, aha ukkom. Nug nuhig nid danab tatamnu itittak ena anuqak am keeke anuqak dab-ii-mettom.

Genesis 25:34 ပူးပေါင်းရင်းမြစ်များ

Genesis 25:29

Deɗ laa Jakop nug ee heehe, Esau uɗia, enug eheɗ qeeqe, Jakop amegppa aum.

Genesis 25:33

Esau anam aum, amge Jakop nug aum. “Na keeke amunu meɗakkutnu tatam nahip nai ɠagattag qettana, da amelppa appe doyen, da ee imu medakkul,” awa aum. Anam a amu, Esau nug nuhig nid danab tatamnu itittak ena anuqak Jakop medakkunu nuhig nai ɠagattag qetta aum.

Genesis 26:1

Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Genesis 27:32

Esau anam a, nug mameg Aisak nug aum. “Na aun?” A amu, Esau nug aum. “Da am na bekkat matunu, Esau,” awa aum.

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Sekaraia 11:13

Ag meɗaeg, Yawe Nug da amelppa aum. “Buɗippe ukkeb, waa keeke hak danab nug awaɗ!” awa aum. Ag dahilppa heppig amu, ag eheɗ hena, uɗat dahilnu nob men doɗo honapnab da meɗappig. Amu Yawe Nug anam aum amunu, da men doɗo amu buɗii ukke, waa keeke hak danab, nuhignu Yawe laugppa ukkom.

Matyu 22:5

King nug anam a, maɗi nid ag gona appig, amge hobulppa ukkaknu danab ag uuppig. Laa nug nuhig dad okkai uɗatppa ukkom, laa amu nuhig men doɗo uɗatppa ukkom.

Matyu 26:15

Nug ukka oɗ meum. “Da Jesus ag eppelagppa meppi amu, ag aɗi meɗaglag,” awa oɗ meum. Nug anam a amu ag silwa men doɗo 30 mettaglagnu ebqeppig.

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

1 Korint 15:32

Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.