Genesis 25:32 - Nobonob Baibel

³² Jakop anam a amu, Esau nug aum. “Da mauhkkul hettem amunu, nid danab tatamnu dilag itittak ena anuqak am attemun da ehaniɗkku?” awa aum.

Genesis 25:32 ပူးပေါင်းရင်းမြစ်များ

Genesis 25:31

Esau anam a amu, Jakop nug oɗeppa awa aum. “Na am nid danab naanaeg. Tatam na nid danab tatamnu dilag itittak ena anuqak oh da meɗappe, da lewa imu medakkul,” awa aum.

Genesis 25:33

Esau anam aum, amge Jakop nug aum. “Na keeke amunu meɗakkutnu tatam nahip nai ɠagattag qettana, da amelppa appe doyen, da ee imu medakkul,” awa aum. Anam a amu, Esau nug nuhig nid danab tatamnu itittak ena anuqak Jakop medakkunu nuhig nai ɠagattag qetta aum.

Genesis 27:36

Aisak anam a, Esau nug aum. “Jakop nug onig tutukku dim lamidtte. Haen aɗit nug da hambuppuiɗom. Tatam nug nid danab tatamnu dilag itittak ena anuqak dahil yab bia awom, amu gemu ele nug itittak ena dahil awom!” Nug anam ana amu, nug mameg baula oɗ mettom. “Na itittak ena laippu laa da meɗakkutnu elele iittate?” awa oɗ mettom.

Job 21:15

Ag anam Nug amegppa anana, ag ele atteb. ‘Laa Nukka Ɠagattag Oh Ele, Nug am aun amunu, ig diig amunu Nug waappa daat, Nug oɗe dim lamidkkunig? Ao, ig Nug unuqidkkunig dayeb, diig amunu ig aɗi ehanittak aognig?’ aon atteb.

Job 22:17

Danab amu ag, ‘Laa Nukka Ɠagattag Oh Ele Nug ihinigppa keeke laa hekkunu iitta,’ anana, ag Kayak amegppa, ‘Uuigna ukke!’ appig.

Job 34:9

Nug amu hettenu diig am, nug inam ana malom. ‘Danab nug heeb, Kayak nuhignu ena dookkunu am uɗat meu iitta. Ao, danab amu hette ele nug meu ena laa ii aotte,’ awa mattiom.

Eksodas 22:9

Haen oh nai keekenu, amuam makau okkai ebehi elenu, o donkinu, o sipsipnu o lamennu keeke, haen nai keeke amunu beebe, danab laa nug, ‘Amuam dahil,’ awa atte, amge laa nug ele keeke amunu, ‘Iitta. Am dahil,’ awa atte amu, haen amu oh, diig amunu ag aa omalatna, mettid lakka da noolppa goppeg, da danab aun nug hambuppua, ‘Am dahil,’ atte ele amu, da nug miag atippi, am danab amu nug keeke amu aɗit nug layag eɗua mettaɗ!

Malakai 3:14

Ag anam aeg, Yawe Nug ag oɗelagppa awa atte. “Ag inam appig. Ig Kayak waappa daata, Nug oɗe dim lamidkkunig amu, ig meu ena laa ii anidmata. Aɗinu? Ig nuhig ɗo dim lamidmut amu, amuppa ig aɗi keeke ena aomut? O laa amu, ig Yawe Nukka Ɠagattag Oh Ele noobppa danab nug hipunin qa, ooppa guittak okkai amunu doya, lamen heɗiag ele takka, Yawe noobppa anam oitte bia oimut amu, amuppa ig aɗi keeke ena aomut?