Genesis 25:31 - Nobonob Baibel

³¹ Esau anam a amu, Jakop nug oɗeppa awa aum. “Na am nid danab naanaeg. Tatam na nid danab tatamnu dilag itittak ena anuqak oh da meɗappe, da lewa imu medakkul,” awa aum.

Genesis 25:31 ပူးပေါင်းရင်းမြစ်များ

Genesis 25:30

“Enug huan iutte amunu, na paha lewa kokoɗ amu meɗappe lai!” awa aum. Anam aum amunu, ag Esau onig laa Edom ataɗppig.

Genesis 25:32

Jakop anam a amu, Esau nug aum. “Da mauhkkul hettem amunu, nid danab tatamnu dilag itittak ena anuqak am attemun da ehaniɗkku?” awa aum.

Genesis 27:36

Aisak anam a, Esau nug aum. “Jakop nug onig tutukku dim lamidtte. Haen aɗit nug da hambuppuiɗom. Tatam nug nid danab tatamnu dilag itittak ena anuqak dahil yab bia awom, amu gemu ele nug itittak ena dahil awom!” Nug anam ana amu, nug mameg baula oɗ mettom. “Na itittak ena laippu laa da meɗakkutnu elele iittate?” awa oɗ mettom.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

1 Stori 5:1

Ruben, nug am Israel bekka naanaeg. Nug nid danab naanaeg, amge nug kobol dubuttid ele he, nug mameg wau amge waunab iitta, nug nug ele niipiɗ amunu, ⌊Jakop nug⌋ nid danab naanaegnu binag nuhigppa dayom aɗitta awa, nug bekka Josep bekoɗ matom. Amu diig amunu, Jakop bekka naanaeg, Ruben, nug nid danab naanaeg, amge nug onig nid danab naanaeg abenppa ii daatte.

1 Stori 5:2

Judanu amu, Juda buɗub ag ɠagattagnab bena oippig, Juda awakkud, amakkud laa oh eɗattak; king nug buɗubppa ele beum, amge Josep buɗub ag nid naanaegnu binag aon oippig; Juda iitta.

Duteronomi 21:16

Anam dayeb amu, haen danab amu nug aug keeke obata, bekoɗ matakku amu, nug bekka gehanu, nug wau nuhignu oo huananab mauhtte ele bekka amu, nug aug keeke amu kuɗum ii mettama!

Duteronomi 21:17

Kobol daatte am inam; mameg nug aug kuɗum nid ⌊danab⌋ tatamnu medakkuoitte. Nug nid ⌊danab⌋ tatamnu keeke aɗit aɗit batak medatta, bekka gehanu amu laippu laippu anam medakkuoitte. Nid danab tatamnu am danab oh dilag nid danab tatamnu bia, nug mamegnu ɠagattag ippunigtte, amu kobolppa nug aɗi aokkunu daatte, amu nuhigppa daatte. Amu genab, mameg nug bekka aug keeke kuɗum medatte ele amu, nug nug anignu oo huana ii mauhtte me, nug am nid danab tatamnu daatte amunu, nug aug anam aokku.

Hibru 12:16

Danab laa nug gappai kobol dim lamidmanu, o laa nug Esau, nug Kayaknu nuhig haknu ele uuak danab, nug nid danab tatamnu itittak ena amunu hamu doya, Jakop nug ee nakoknab, geha iikkunuib metteb, nug itittak ena amu Jakop medakkunu a mette lawowa, itittak mettom ele amu, laa nug Esau bia oimanu ele dabmeig!