Genesis 25:23 - Nobonob Baibel

²³ Oɗ mette, amu Yawe Nug aum. “Danab ameg aɗit na ootppa daattep. Ao, na menuatppe, aa appatya, ameg piɗe piɗe daaglah. Ameg laa amu, nuhig ɠagattag am laa eɗidkku. Ge, nid tatamnu am nid gehanu waappa daya, nuhig uɗat hekku.” Yawe Nug anam aum.

Genesis 25:23 ပူးပေါင်းရင်းမြစ်များ

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Genesis 17:4

“Nug tituana nai qakkak nai dahil am nahip-ppa aakku daatte. Da heppi, na wanppan wan laala kuɗum mamelag daakkut.

Genesis 24:60

Amu tatam ag Rebeka itidyaya apiɗ. “O lai ihinih, na buɗunad ag kuɗumnab bekkulagnu oonih daatte. Ao, na buɗunad ag kekeɗ ahilag ele tabappeg noob, ahilag keeke aoglagnu oonih daatte,” aoya apiɗ.

Genesis 25:24

Yawe anam a, dimppa nid aokkunu haen do, Rebeka nug nid danab aɗit menuatom.

Genesis 25:27

Dimppa aa ena meya, Esau nug hikan danab dayom. Nug dad okkaippa oiyom, amge Jakop nug toetta dayak danab; nug ag daappigppa dayom.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Genesis 27:33

Anam a amu, Aisak nug ottaie, beɗu ele huana hahaɗom. Hahaɗe amu, nug aum. “Danab aun tatam doɗ qa awa uɗiom? Da geha iikku lawoya, nug itittak ena mettai ele na beme. Da nug itidmi amunu, itittak ena amu nug beɗuppa haen oh daakku,” awa aum.

Genesis 27:37

Esau anam oɗ mette amu, Aisak nug oɗeppa awa aum. “Da hemi amu, na nug waappa daattem. Na buɗunad ag ele nug waappa daaglag. Nug ee iɗu iɗu elelenab ele nuhigppa daakku amunu, da na itittak ena nai aɗi laa medakkul?” awa aum.

Genesis 27:40

Nahip ban hakppa na keeke aon oikkut. Ao, na, na amap waappa daakkut. Na anam daakkut, amge dimppa na bahi yaak dookkut. Na anam doonna, na wagai mena, uug nug na medatte ele amu, na buɗippe gokku,” Aisak nug anam awa aum.

Genesis 32:6

Anam awa a amu, danab ag nai aon gona, eɗun uɗina, haen amuppa ag Jakop amegppa appig. “Ig na awan Esau toppanu iikku uɗimut. Nug na uɗan tekkutnu uɗitte; nug amu nuhikkud daup 400 ele,” aon appig.

Genesis 33:3

Maattowa, Jakop nukka anuqa ugakka, haen eblaih aɗit gateg qaun o, gomela, iɗu wanppa mak haaha, awag guguitta waum.

Genesis 36:31

King ag Edom dilag king bena daaeg ukke, dimppa Israel ag king aoppig. King amuam inam.

Genesis 48:19

Josep anam aum, amge Jakop nug nai nuhignu dab-ii-metta, nug aum. “O bekkal, nug nid danab naanaeg amu, da doottem. Geha nug buɗub ele elab bekku, amge nug dimugppa amu, nug buɗub ag laanu buɗub eɗadna, appatna elabnab bekkulag,” awa aum.

2 Samuel 8:14

Dawit nug Edom eɗattowa, nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

1 King 22:47

Haen amuppa Edom dilag wanppa king laa ii dayom, amunu Juda dilag king nug Edom wan gumakkunu danab otie, danab amu nug gumattom.

1 Stori 18:13

Abisai anam he, Dawit nug nuhikkud daup laala ag Edom daaglagnu maattom. Nug anam maatte, Edom danab ag Dawit waappa daappig. Yawe Nug he, Dawit nug adeppa adeppa kekeɗ ele ban hekkulagnu ukkom amu, nug kekeɗ eɗadttom.

Obadaia 1:21

Amu danab Yawe Nug ag Israel ehanatteg, qagaiettakppa ii daamnanu tituanadkku, huu amu ag qauko Sion, ⌊Jerusalem daatteppa,⌋ ag appa tena, ag Edom wan gumaglag. Amu Yawe Nug nukka, Nug ahilag king daakku.

Namba 20:14

Amu dimppa amu, Moses nug nai awa ukkak danab Kades appanu maatte, ag Edom dilag king toppa gona appig. “Ig, Israel danab amu, ig na laipad. Ihinigppa uug oh beum amu, na amunu doottem.

Duteronomi 2:4

Amge na danab ah haknunab nai imu appe doyeg! ‘Ag geha ag Edom dilag wan oppatna gokkulag. Esau buɗub, ag Edom, onig laa Seir, appa daatteb. Edom ag, ag Israel ele, ag nakok tiig laippu daatteb. Ag gobeppeg amu, Edom ag geha ahilagnu baɗaglag, amge ag dabmeig!

Duteronomi 2:8

Yawe Nug anam aum amunu, ig gotata, Esau buɗub, Seir daatteb, ig lainkad amu, ig ag qe-eɗadmut. Ig qe-eɗadta, ig ib Elat amu Esiongeber ele, aab aɗit amuppanu uɗiaknu ib, ib amu onig am Arabanu ib, ig ib amu uut, ib laa atu taɗakppa ukka, Moap wanppa gotte ele amu, ig ib amu aot gomut.