Genesis 24:35 - Nobonob Baibel

³⁵ Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 24:35 ပူးပေါင်းရင်းမြစ်များ

Genesis 12:16

Omalna ukkaeg amu, Paro nug Abram keeke kuɗum Sarainu nob ena mettom; doɗ iɗu iɗu, amuam sipsip, makau, donki anig, dawai ele, amu kamel ele. Nug maɗi nid maɗi ah ele mettom.

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Genesis 24:1

Amu haen Abraham nug wanppa oiyeye, Yawe Nug nuhig keeke ohnu itittom. Itittette amu, Abraham nug kaino meum.

Genesis 25:11

Abraham mauhe, Aisak, nug Ber Lahai Roi guguittak daye, amu Kayak nug itittom.

Genesis 25:5

Abraham bau dayaya, nug nuhig mauhak haenppa aɗi keeke oh nug eppegppa daakku am Aisak aokkunu nai babaitta,

Genesis 30:43

Ib amuppa amu, Jakop enub kuɗum ele dayom; sipsip, meeme, kamel, donki ele, amu nuhikkud maɗi nid maɗi ah ele, ag ele am kuɗum.

Genesis 49:25

Kayak, Nug da, Jakop, dahil Kayak, Nug na, Josep, Nug na ehanidtte. Ao, Laa Nukka Ɠagattag Oh Ele, Nug na itidtte. Josep, nahipnu amu, Kayak Nug na hab waappanu itittak ena na mettatta, gu medatte. Ao, Nug wan unuqagppanu itittak ena na mettatta he, nahip wanppa le qeppuɗia bette. Am genab, Nug itittak ena na mettatta he, na nid, doɗ ele kuɗum ele daattem.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Sam 112:3

Danab nug Yawenu ebehi oh bodoetta le mette ele, nug laugppa en, keeke ena ena ele daatteb. Ao, anam amu, nuhig genab tutukku hak kobol am hanhan alet daatte.

Sam 18:35

O Kayak, na guppiɗ aɗan, kekeɗ eɗadttem ele amu, na guppiɗ amu da meɗae, da ena daattem. Ao, na nahip ɠagattag naɗippa ehaniɗttem. Ge, na dahil unuqittak nob me, danab ah ag da ɠagattag daattem aniɗtteb.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Luk 12:45

Amge maɗi nid amu nug ooppa, ‘Danab okkai dahil nug paha ii uɗima,’ dabmekku dayeb, nug digma, maɗi nid laa, maɗi ah laa ele makkuɗattatta, nug ee lanana, le ɠagattag ele lana, kaaka qeeb, nuhig okkai nug haen deɗ ele, maɗi nid amu nug ii doyom, ii dabmeum ele, amuppa eɗua uɗikku. Uɗia amu, danab okkai nug maɗi nid amu eheɗnab hettowa, awa meeb, nug danab laala ag oolagppa genab ii dootteb, amu ele daaglag.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.