Genesis 24:3 - Nobonob Baibel

³ na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

Genesis 24:3 ပူးပေါင်းရင်းမြစ်များ

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

Genesis 21:23

amunu, na ippa Kayak noobppa, da amelppa na dahilppa, da bekkaladppa, amu da buɗuladppa ele hambuppuak kobol laa ii dim lamidna, aria na da, wan imu, na gemu laihnu danab ippa ina daattem amu, na da, wan imu eleppa oo bodoettak kobol, da nahip-ppa hemi, na kobol amu dim lamidna oikkutnu nahip nai ɠagattag qena, anam akkutnu oɗ medattem.” Abimelek nug Abraham amu akkunu oɗ mettom.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Genesis 27:46

Rebeka nug Jakop amegppa awowa, nug ukka Aisak amegppa aum. “Da Hit ahnu ool bahi yaatte. Jakop nug ag oolagppanu ah laa aolo amu, da mauhlom am ena,” awa aum.

Genesis 28:1

Rebeka nug anam aum amunu, Aisak nug Jakop onigppa e uɗie, itittak ena mettowa, inam hekkununab aum. “Na Kanan ah aib aome.

Genesis 28:8

Esau nug keeke amu doya, nug mameg Aisak nug Kanan ahnu oo gamag ii ahom doyom

Genesis 34:9

Ig ag ele ewau matulak awaknu layam batatta, ag ihinig ah bau diippeg, amu ig ahilag ah bau ele diignig.

Genesis 38:2

Appa dayaya, nug Kanan danab onig Sua aɗeg antta awe oiyya,

Genesis 47:31

Awa a amu, Israel nug oɗeppa awa aum. “Aria, na nahip nai amu ɠagattag qena, appe dookkul,” awa aum. Nug anam a amu, Josep nug anam nuhig nai ɠagattag qa mattiom. Nug anam ha male, Israel nug dudqaknu hokkat nuhig ikki aɗe ehanitte dayaya, Kayak noobppa dup noa binag meum.

Genesis 50:25

Josep nug anam awowa amu, nug tuɗitta, Israel bekkod laa, amuam nug awakkud amag ele amu, nug ag amelagppa aum. “Kayak Nug ag ehanatteb, ag wan imu uun gokkulag amunu, dimppa ag gokkulagnu haen amu, ag gonana, ag da gaɗal ele maon gona, Kanan wanppa boumkkulagnab daatte,” awa aum. Nug anam ana, nug ag amu hekkulagnu ahilag nai ɠagattag qena amegppa akkulagnunab he appig.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

Genesis 6:4

Haen amuppa, dimppa ele, danab beɗulkad okkai okkai ele, Nepil buɗub atteb, ag wanppa daappig. Aɗinu? Kayak bekkod ag wanppan ah diieg, ag ele oiyegeg, ah ag nid danab menuadppig ele, danab amu ag nai alagppanu danab onilkad okkai okkai ele.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

2 Stori 2:12

Hiram nug nai amu babaitta, nug tuɗitta, nai imu ele Solomon, nuhigppa me ukkom. “Ig Yawe, Israel dilag Kayak, Nug hab, wan ele heum amu, ig Nug binag humatu! Nug King Dawit nid danab laa mettom amu, nid amuam doyak dabmak ena ele. Nug dabmak meu unuqagnu doyak danab ele, nug keeke diignu doyak tutukku ele. Nid amu nug gemu king daya, nug Yawenu mettid lag, nuhig lag enanagnab ele hekku.

Esra 5:11

Ig ag anam oɗ mattaut, ag aakku nob imu mekkan appig. ‘Kayak, Nug hab, wan ele gumat-tte amu, ig nuhig maɗi nid daattem. King naɗi laa, ig memetanig anukkanu, nug mettid lag imu anukka ha malom, amu lag amu baula eɗua daakkunu iikku ig buuttem.

Nehemaia 13:25

Juda danab amu ag ah amu diieg, nid amubia daaegeg anatten, da ag daulag baten, ag eheɗ laa awaknu anak waappa daaglagnu nai ami. Da danab amu laala makkuɗatten, laa ikkilkad uɗug eppelppa hiɗami. Da wagai mei, ag dahil nai dim lamidkkulagnu anana, ag nai ahilag Kayak onigppa ɠagattag qettan appig. Dahil nai da ag amelagppa ai doon dim lamidkkulagnu ahilag nai ɠagattag qettan anana, nai ahilag amuam inam. Ag ahilkad nid ah wan amuppan danab ahilkad ah daaglagnu ii mattamnanu, ag wan amuppan ah diin, ag bekkalkad ele ahilkad ah daaglagnu ii mattamnanu, appanu ah ele ag akka ii diimna.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Sam 115:15

Yawe, Nug hab, wan ele heum amu, Nug ag itadkkunu ool daatte.

Sam 136:26

Ig Kayak hab attan daatte amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Eksodas 22:11

aria, aa oh mettid lakka gopeɗ, laa doɗ gumom ele amu, nug da, Yawe, da noolppa, ‘Da Yawe onigppa dahil nai ɠagattag qein attem. Da doɗ amu hei ii nauhom,’ akku, o iitta nug, ‘Da Yawe onigppa dahil nai ɠagattag qein attem. Da doɗ amu yab ii aomi,’ akku. Nug anam awa ab, amu doɗ amu mameg nug oo ena dayebeb, mudippan layag nug doɗ qettoɗppig amu nob aib eɗua mettom.

Eksodas 23:13

Nai oh da ag matten, amelagppa ami amu, ag tutukku doon, dim lamitteg! Ag kayak hambuppuak aib unuqidnana, onilkad ele aib diippig. Amuam gunnab.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Aisaia 45:23

Da dakka, dahil nai da onilppa ɠagattag qettami; amu da geha aɗi keeke hekkulnunab ami amu, da genab hekkul. Da dahil nai qakkak amu eɗuen ii aopa; anamib daakku. Amu nai amuam danab ah oh ag da noolppa gatelag qaun ona, da binal mena, ag oh ahilag nai ɠagattag qettan, ag dahilnu inam akkulag.

Aisaia 48:1

Ag Juda, ag ahilag nai ɠagattag qettaglagnu henana, ag Yawe onigppa ɠagattag qedatteb. Ao, ag ahilag nai ɠagattag qettaglagnu henana, ag Israel dilag Kayak onigppa hetteb. Ag amu hetteb, amge ag doyak diig genabib, ag amuppa ii hetteb. Ge! Ag kobol genab tutukkuppa ii hetteb. Amu ag Jerusalem, aab amuam Yawenu tituanak daatte amu, ag aab amunu, “Am ihinig aab okkai,” atteb. Ag anam anana, ag Yawe Nukka Ɠagattag Oh Ele, ag nuhig ehanittakppa ena oittebnu ele atteb. Ag amu hetteb, amge O Jakop buɗub, laa ahilagnu Israel atteb amu, ag doyeg! Ao, ag Jakop buɗub, ag alalag Juda amu, ag doyeg!

Aisaia 65:16

Aun laa nug Juda wanppa laanu, “Nahip-ppa enaib bekkunu ool daatte,” akku amu, nug Kayak doyak diig genabib ohnu diig daatte onigppaib amu hekku. Ao, laa nug Juda wanppa nuhig nai ɠagattag qedakkunu hette amu, nug Kayak doyak diig genabib ohnu diig daatte onigppaib amu hekku. Nug amu hekkunu diig am, Yawe Nug heeb, uug tatam daappig ohnab am iitta mekku; iinab daamna. Yawe Nug amunu, “Tumainu uug amu, da heppi ii daama,” akku.

Jeremaia 10:11

Ag Israel danab ah, ag wanppan wan anen anen ohppan danab ah inam appeg dooglag. “Kayak hambuppuak ag bappaladtteb, ag hab, wan ele ii heppig. Ag ii heppig, amu ag wanppanu qettoɗkkulag.”

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Jeremaia 29:6

Ag amu henan, danab ah ag ewau matulak aonna, ag nid danab, nid ah ele menunna, ag bekkalkad, aɗelkad amu, ag ele nid danab nid ah menuadkkulagnu, ag bekkalkad, aɗelkad dilag danab ah ele mattin anadppeg, ag ewau matulak aweg! Ag kuɗum appatna oiyeg! Agib anam daan, mauhadna laib laib anamib aib daappig.

Lewitikas 19:12

Am keeke laa genab iitta dayeb amu, ag aib da onil diin, nai ɠagattag qettan, keeke amunu, ‘Am genabnab,’ aon appig. Ag anam hekkulag dayeb amu, ag heppeg, da, ahilag Kayak, ag da onil laa dilag neekkakppa heppeg, nauhak daakku. Da am Yawe.

Sepanaia 1:5

Da heppi, laa ag laulkad koɗokko uɗem ukkakppa tena, appa ag aam, kalam, hoɗoppai ele dilagnu, ‘Umu ag am kayak laa,’ anana, ag amu noolagppa dup nona binalag metteb ele amu, ag oh nauhkkulag. Ao, da heppi, laa ag da, Yawe, ag da dim lamiɗtteb anan, ag da onilppa ele ahilag nai ɠagattag qettan atteb, amge ag kayak hambuppuak Molek onigppa ele ahilag nai ɠagattag qettan atteb amu, ag nauhkkulag.

1 Korint 7:39

Amu danab ah ewau matulpiɗ amu, ah nug danab amu bau dayeye, aa ouqak laippu daaglahnu aakkuib dabmekku. Amge nug gamu mauhkku amu, nug danab laa aokkunu am ib oo nak iitta. Nug danab laa aokkunu oo daatte, nug danab amu aokkunu elele. Am nai iitta, amge nug danab laa nug ele Jesusnu ooppa genab dootte aakkuib aokku.

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Duteronomi 6:13

Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Hibru 6:16

Aria, nai ɠagattag qetta anak kobol am inam. Danab nug nai nuhig danab laa onigppa ɠagattag qedatte. Danab laa am danab nai ɠagattag qedatte ele eɗittak amunu, danab laa nai nuhig ɠagattag qedatte amu, laanu nai nuhig nai eɗidmanu, nug laa nug eɗittak onig awa, attan ma nuhig nai onig amuppa ɠagattag qedatta, laanu nai okkultte.

Josua 2:12

Anam amunu, da inam hekkulahnu aa oɗ matattem. Da ahilahnu oo bodoettak doyen, ena hatami amunu, aa Yawe onig aoya, Nug onigppa ahilah nai ɠagattag qeya mattiya, da mamel baekkudppan dilagnu oo bodoettak dooya, ena heigkkulahnu oɗ matattem. Aa da amelppa nai amu ɠagattag qeya madipeɗ, nai amuam aa hepeɗ, da, da mamel, anil, awalad, lailad, apalad, makkelad, o aun laa oh ahilagnu amu, ag Israel ag uɗin, wan imu aonna, ag ig ii iqamna, ag heppeg ig ii mauhmatanu at ɠagattag daakkunu oɗ matattem,” awa aum.

Ikki Danab 14:3

Nug anam a amu, nug anig mameg ele aa oɗeppa aoya apiɗ. “Na Israel dilag huu okkai nahip-ppan ah laa, o Israel laala oolagppan ah laa aokkutnu elele iite daatte amunu, na gona, Pilistia danab, ag Yawe ii dootteb, ii dim lamidtteb ele, ag oolagppanu ah aokkutnu hettem?” aoya apiɗ. Aa anam apiɗ amge Samson nug mameg amegppa aum. “Da nuhignu oolppa enanagnab doottem amunu, na dahilnu awe!” awa aum.

1 Samuel 20:17

Amu Jonatan nug nukka nug nuhignu oo mauhom, amubia nug Dawitnu oo mauhom amunu, nug he, Dawit nug baula Jonatan layag tuɗid daakkunu nuhig nai ɠagattag qetta aum.

1 Samuel 30:15

Nug anam a amu, Dawit nug oɗ mettom. “Na da omaiɗna, ban danab ameg amu daatteppa appa gokkutnu elelete?” Dawit nug anam a, danab amu nug nob ma, amegppa aum. “Na nai nahip Kayak onigppa ɠagattag qettan, na da ii iuppe mauhkkulnu, na eɗun, da danab okkai dahil eppegppa ele ii meiɗmananu akkut amu, da geha na omaitte gokkul,” awa aum.