Genesis 24:27 - Nobonob Baibel

²⁷ “Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Genesis 24:27 ပူးပေါင်းရင်းမြစ်များ

Genesis 13:8

Uug anam daye amu, Abram nug Lot amegppa aum. “I amu diig laippu amunu, a ona a doak i oonihppa, ihinih maɗi nid oolagppa ele aib dayom.

Genesis 14:20

Ao, Nug na ehanitte, na kekeɗ eɗadme amunu, ig Nug onig humatu!” awa aum. Awa a amu, Abram nug keeke oh awom, nug amunu obatak eblaih tanig ele ooppanu obatak laippu Melkisedek mettom.

Genesis 24:12

Maɗi nid nug anam dayaya, nug Yawe inam unuqittom. “O Yawe, na dahil okkainu Kayak, na da ehaniɗkkutnu, na dahil okkai Abrahamnu oo mauhaknab ele dookkutnu ool daatte.

Genesis 24:21

Nug anam heehe, maɗi nid nug dabmettatta, neekkitta dayom. Aɗinu? Yawe he, uɗat nuhig meu elele bettetai, amu anidkkunu heum.

Genesis 24:4

Iitta! Na da appal diigppa gona, da mamel buɗubppanu Aisaknu ah aokkutnu a!” awa aum.

Genesis 24:42

Aria, gemu haen da le moɗppa uɗien dayeye amu, da Yawe unuqidmi. ‘O Yawe, danab okkai dahil Abrahamnu Kayak, na ehaniɗppe, oiyak imu da aakku hemi ele amu, nuhig meu pehettak bekkunu oɗ medattem.

Genesis 24:48

Mewoya amu, da gomelen, dup noin Yawe binag memi. Nug am dahil okkai Abrahamnu Kayak, amu da Nug onig okkai mettami. Nug da ehaniɗe, da ib genabppa Nahor laugppa, nug alag Rebeka, Aisaknu ah daakkunu aokkulnu uɗimi. Abraham Nahor ele aa am eamag.

Genesis 32:10

Da am nahip maɗi nid, na dahilnu oo mauhaknab kobol, oo metta ii uuak kobol ele doon hettem, amge da am nid ena amunu na amu helom am iittanab. Anukka da dahil hokkat eleib Jodan le mataɗmi; gemu amu, da danab ameg aɗit ele.

Genesis 32:11

Da Esau nug uɗia, da, dahilad ah, amu nid naunau dahilad ele, nug ihinignu ban hekkunu baɗattem amunu, na da ehaniɗppe padal ii mepanu oɗ medattem.

Genesis 9:26

Awowa, nug nai laa ele aum. “Ig Yawe, Semnu Kayak, ig Nug onig humagnignu ool daatte. Amu Kanan nug Semnu begbeg maɗi nid daakkunu ool daatte.

2 Samuel 18:28

Dawit anam a, Ahimas nug qaietta aabppa uɗiaya, nug king amegppa ewa aum. “Keeke oh ena daatte,” awa aum. Nug anam ana uɗia, king noobppa gateg qaun o, gomela, iɗu wanppa ma, nug aum. “Yawe, Nug am nahip Kayak, ig Nug binag metu! Nug he, danab ag na, na am dahil naɗi, dahil king, ag na eheɗ heidkkulagnu heppig ele amu, ig ag eɗadmut,” awa aum.

Sam 100:5

Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.

Sam 68:19

Ig Naɗi, Nug am ihinig Kayak, ihinig Padal ii maknu ehanittak, ig Nug binag metu! Nug deɗ oh ihinig uug maotte. Sila.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Eksodas 18:10

Jetro Nug nai amu doya, nug aum. “Ig Yawe onig attan humatu! Nug ag ehanatte, ag Paro eppegppa, amu Isip danab ah eppelagppa ele qagaiettak ii daatteb. Ge, Nug nuhikkud danab ah ⌊ag begbeg maɗi nid begbeg maɗi ah ele tuɗidna daamnanu,⌋ Nug ag ehanatte, ag Isip danab eppelagppa qagaiettak ii daatteb.

Eksodas 2:11

Dimppa Moses nug danab okkai ma, nug ukka, Hibru danab anattom; ag nug ele amu, ag tiilag laippu. Nug ag Paronu uɗat ɠagattag, uug ele heegeg anattom. Nug anam anattette amu, Isip danab laa aha, Hibru danab makkuɗeɗe anatom. Danab guittak awom amu, nug Moses ele aa tiilah laippu; aa oh am Hibru danab.

Eksodas 2:13

Aria, wagɗe deɗ amuppa Moses eɗua ukka, laikkud uɗat heegeg anattatta oiyeye, nug laikuɗ aɗit laa, aa oh Hibru danab amu, aa nug qeeheh anata, nug danab eheɗ heum ele amegppa aum. “Aɗinu na layap anam makkuɗttem?” awa aum.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

Prowerb 3:6

Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Prowerb 8:20

Da, Doyak Dabmak Ena Ele, da hanhan genab tutukku hak kobol aakkuib hettem; da hanhan nai doya mala hettoɗia epeɗia elele mettak kobol hettem.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Rut 4:14

Nug nid amu menue, aabppan ah ag Naomi amegppa appig. “Ig Yawe binag metu! Nug he, na gemu ehanittak laa ele daattem. Nid amu nug Israel oolagppa okkai daakkunu oonig daatte.

1 Samuel 25:32

Abigel nug anam a amu, Dawit nug nob ma, amegppa inam aum. “Yawe, Nug am Israel dilag Kayak, gemu Nug na meitte uɗin, da uɗal teme amunu, ig Nug onig attan humagnig.

1 Samuel 25:39

Nabal mauhe amu, danab laa nug amunu Dawit amegppa a, Dawit nug aum. “Nabal nug dahilnu eheɗ heum, nug dahilnu am keeke hamunab doyaya heum, amge nob mettak nau Nabal nug heumnu amu, Yawe Nug da ehaniɗa, eɗua awa, Nabal mettom amunu, ig Yawe onig humapput, attan taɗ! Yawe Nug nuhig ehanittakppa da ehaniɗe, nob mettak nau eɗuen awen, Nabal medakkulnu ii hemi. Yawe nug Nabalnu eheɗ hak antta awa, eɗua Nabal mettom.” Dawit nug anam aum. Dawit anam awowa, dimppa amu nug nuhikkud maɗi nid laala maatte, ag Abigel gumidna gona, oɗ medappeg, nug uɗia, geha nug Dawit wau daakkunu goppig.