Genesis 24:26 - Nobonob Baibel

²⁶ Nug anam aum amunu, Abrahamnu maɗi nid nug gomela, dup noa Yawe binag ma inam aum.

Genesis 24:26 ပူးပေါင်းရင်းမြစ်များ

Genesis 22:5

Antta amu, nug maɗi nid aɗit amelahppa aum. “Aa inam donki gumaya daapeɗ, da Aisak ele i laih uppa goɗa, Kayak noobppa dup noɗa binag mewoɗa, i eɗuɗ uɗignih,” awa aum.

Genesis 24:25

Anana, nug tuɗitta aum. “Ig launigppa kamel dilag ee, amu ahilag niiaknu keeke ele elele daatteb. Na niikkutnu aben amu ele daatte,” awa aum.

Genesis 24:48

Mewoya amu, da gomelen, dup noin Yawe binag memi. Nug am dahil okkai Abrahamnu Kayak, amu da Nug onig okkai mettami. Nug da ehaniɗe, da ib genabppa Nahor laugppa, nug alag Rebeka, Aisaknu ah daakkunu aokkulnu uɗimi. Abraham Nahor ele aa am eamag.

Genesis 24:52

Laban, Betuel ele anam aeh, maɗi nid nug Yawe noobppa gateg qaun o, gomela, ikki wanppa meum.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

2 Stori 20:18

Jahasiel nug anam a, Jehosapat nug gateg qaun o, gomela, iɗu wanppa me, Juda danab ah oh, laa Jerusalemnu, laa Juda wanppa laih laihnu amu, ag ele anam hena, ag oh Yawe noobppa dup nona binag meppig.

2 Stori 29:30

King Hesekaia, nuhikkud ehanittak anuqak danab ele, ag Lewi buɗub ag ahi laala, Dawit, propet danab Asap ele yaapiɗ amu, ag ahi amu ettanna, Yawe binag mekkulagnu appig amunu, Lewi buɗub amu ag ahi amu oo gamag ahak ele ettanna, ag Yawe noobppa dup nona Nug binag meppig.

Nehemaia 8:6

Esra nug buk kole, danab ah ahaeg, Esra nug Yawe, Nug Kayak onig, ɠagattag ele, Esra Nug binag me, danab ah oh ag eppelag human appig. “Genab, anam dayaɗ! Genab, anam dayaɗ!” appig. Ag anam awona, ag Yawe noobppa gatelag qaun ona gomelna iɗulag wanppa mena, dup noa binag mak heppig.

Sam 22:29

Dada hak danab ah ag Nug noobppa dup nokkulag. Yo, aun aɗi ag bau daan mauhtteb, ag Nug noobppa dup nokkulag.

Sam 66:4

Wanppan danab ah oh ag na noomppa gatelag qaun ona, dup nona daatteb. Ag ahi ettanna, na binan humatteb. Yo, ag ahi ettanna, na binan humatteb.” Ag Nug amegppa anam aig! Sila.

Sam 72:9

Danab ah ag atu taɗakppa oinna daatteb ele, ag nug noobppa dup nokkulag. Nuhig kekeɗ ag nug noobppa nena qena, gappudppa niiglag.

Sam 95:6

Yawe Nug am ihinig Kayak amunu, doppeg ig Nug noobppa dup nota binag metu! Ao, ig laa Nug ig heikkom ele, ig Nug noobppa gota, gatenig qaun okkunig. Nug danab ag sipsip elelenab gumadtteb, amubia Nug ig danab ah gumigtte. Ao, ig sipsip gikkiɗah aon latteb, amubia ig ee keeke aottem amu, Nugib ig megatte. Ag gemu Kayak Nug nai inam atte amu, ag daulag human doyeg!

Eksodas 12:27

amu, aria ag inam akkulag! ‘Anukka, haen Yawe Nug Isip danab ah dilag nid ⌊danab⌋ tatamnu aqe mauhppig amu, gemu ig Israel, ig hettem imu am, alai aɗi bekkalkad tatamnu mauhmananu ag sipsip, o meeme aqaeg, doɗ amu tiilag ag lag ahilkad od uguppa laitteg, Yawe Nug tiig amu antta, laulkad amu tippalatta he, engel nug ag ii aqom amu, ig hettem imu am, keeke amu daunigppa dokkunu daatte. Doɗ imu ig aqaut mauhtteb ele amu, doɗ amuam alai aɗi doɗ aqaeg mauhna, ag bekkalkad tatamnu abenlag aoeg, ii mauhppig, amubia daanna, ippunigtteb.’ ” Moses nug ag amelagppa anam aum. Moses nug anam a amu, danab ah ag nai amu doona, ag Yawe noobppa dup nona Nug binag meppig.

Eksodas 34:8

Yawe Nug nai amu mattia male, Moses nug pahanab gateg qaun o, gomela, iɗu wanppa ma, Yawe binag meum.

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Maika 6:6

Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Pilipai 2:10

Kayak Nug geha danab oh hab attannu, wanppanu, amu mauhakppanu ele, ag oh Jesus onig doona, ag Nug noobppa gatelag qaun okkulagnu, ag, “Jesus Kristus Nug am Naɗi,” amu ele akkulagnu, Nug onig amu Jesus mettom. Danab oh ag, “Jesus Kristus Nug am Naɗi,” akkulag amu, amuppa Mame Kayak, Nug binag amahlak oppiaawak ele aokku.

Ikki Danab 7:15

Haen Gideon nug tul niiak nai amu, mehuqak nuhig ele doya amu, nug Kayak noobppa dup noa binag meum. Aakku nug eɗua, Israel dilag haen tutu dayaknu aab kalakppa ukka, ewa aum. “Aheg! Yawe Nug heeb, ag Midian danab eɗadkkulag!” awa eum

1 Samuel 1:28

amunu, da nug Yawe medattem. Amu nuhig wan imuppanu bau dayak haen amu, haen amu oh nug Yawenu uɗat aakkuib hekku,” awa aum. Hana nug anam a amu, ag Yawe noobppa dup nona Nug binag meppig.