Genesis 24:15 - Nobonob Baibel

¹⁵ Aria, maɗi nid amu nug anam unuqittette, Rebeka nug hanak gugappa mawa neum. Nug Betuel aɗeg. Betuel anig Milkah amu, nug Nahor wau. Abraham, Nahor ele am eamag.

Genesis 24:15 ပူးပေါင်းရင်းမြစ်များ

Genesis 11:27

Tera buɗub am inam. Nug bekkod am Abram, Nahor, Haran ele. Haran bekka am Lot.

Genesis 11:29

Abram, Nahor ele amu, aa oh ah diipiɗ; Nahor nug Haran aɗeg Milkah awom. Haran aɗeg laa am onig Iska. Abram nug Sarai awom,

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 24:14

amunu, da na oɗ inam medattem. Ah makkun laa nug neeb, da nuhig hanakppanu lenu oɗ medappi, nug da amelppa, ‘Na lappe, da kamel dilag ele itakkul,’ ab amu, da dookkul, na ah amu nahip maɗi nid Aisak wau daakkunu tituanme. Amu amuppa da na dahil okkainu oo mauhaknab doottem, da amu dookkul,” awa aum.

Genesis 24:24

Danab anam a, amu Rebeka nug oɗeppa awa aum. “Da am Milkah, Nahor ele bekkalah Betuel aɗeg,” awa aum.

Genesis 24:45

Da anam unuqittitti amu, Rebeka nug hanak nuhig gugappa mawa noum. Noa amu, le ita be, da nug le meɗakkunu oɗ mettami.

Genesis 25:20

Aisak nug maɗ 40 dayaya, nug Betuel aɗeg Rebeka awom. Betuel nug Aram ted Mesopatemianu, amu nug bekka Laban, Rebeka awag, nug ele amu Aram ted.

Genesis 29:5

Ag anam aeg amu, Jakop nug baula oɗ mattom. “Ag Nahor alag Laban doottebte?” oɗ mattom. Oɗ matte amu, ag appig. “Ge, ig nug doottem,” aon appig.

Genesis 29:9

Ag nai anam mattiegeg amu, Rahel nug mamegnu sipsip diia uɗiom. Aɗinu? Nug haen oh sipsip amu gumadttom.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Sam 65:2

O Kayak, na, laa iitta, na ihinig unuqittak doona, na ig ehanigttem ⌊amunu,⌋ danab ah oh ag geha nahip-ppa wakkulag.

Eksodas 2:16

Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.

Prowerb 31:27

Nug, nug baegppan dabmadatta; haen nuhig ii kakidtte.

Aisaia 58:9

Ag anam hena, ag geha Yawe onigppa eppeg amu, Nug ag oɗelagppa aokku. Yo, ag geha Nug onigppa ehanadkkunu eppeg amu, Nug ag oɗelagppa awa, “Da iikku daattem”, akku. Ag laa ɠagattag iitta ele eheɗ ii hattaglag dayeb, ag laa dilagnu, “Ag am nau, keeke hamu,” ii dooglag dayeb, ag naippa laa guittak ii mattaglag dayeb,

Aisaia 65:24

Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.

Rut 2:17

Boas aum amunu, Rut nug bali akka, qagme ukka, tueb me, nug akkom ele awa ukka, bali mumuɗom. Anam heehe ukke, bali aeg 10 kilogram anam awom.

Rut 2:2

Aria, anam daye, deɗ laa Moap ah Rut nug ahipa Naomi amegppa aum. “⌊I ee aoɗ lakkunihnu amu,⌋ na appe, da ukken, maɗi nid dilag gumak danab laa oɗ medappi, nug, ‘Yo,’ ab amu, da maɗi nid amu dim lamatte, bali gumu ikki ele ii aoeg daatteb amu, da aokkul,” awa aum. Nug anam a amu, Naomi nug aum. “Am ena, na gona akke!” awa aum.