Genesis 24:14 - Nobonob Baibel

¹⁴ amunu, da na oɗ inam medattem. Ah makkun laa nug neeb, da nuhig hanakppanu lenu oɗ medappi, nug da amelppa, ‘Na lappe, da kamel dilag ele itakkul,’ ab amu, da dookkul, na ah amu nahip maɗi nid Aisak wau daakkunu tituanme. Amu amuppa da na dahil okkainu oo mauhaknab doottem, da amu dookkul,” awa aum.

Genesis 24:14 ပူးပေါင်းရင်းမြစ်များ

Genesis 15:8

Yawe anam aum, amge Abram nug Yawe oɗ mettom. “O Naɗi Yawe, da dimppa wan imu genab aokkulnu amu, da attem hein, da amu dookkul?” awa aum.

Genesis 24:13

Antte! Da le moɗ gukkuitten daattem, amu aabppan ah makkun ag le itaglagnu uɗitteb

Genesis 24:15

Aria, maɗi nid amu nug anam unuqittette, Rebeka nug hanak gugappa mawa neum. Nug Betuel aɗeg. Betuel anig Milkah amu, nug Nahor wau. Abraham, Nahor ele am eamag.

Genesis 24:18

Awa a amu, Rebeka nug amegppa aum. “Danab okkai dahil, le iikkude la!” awa aum. Ana amu, nug paha hanak le ele awa, honap aɗa, le mettom.

Genesis 24:19

Nug le mettowa amu, nug amegppa aum. “Da le kamel dilag ele itappi, elele lakkulag,” awa aum.

Genesis 24:43

Antte, da le moɗppa daattem, amu ah makkun laa nug neeb, da nug amegppa, “Da le nakok nahip hanakppanu meɗappe lakkulnu oɗ medattem,” appi,

Genesis 24:44

nug, “Na lappe, da kamel dilag ele itakkul,” ab amu, aria amuppa da na nug dahil okkai bekka Aisaknu ah daakkunu tituanme dookkulnu oɗ medattem.’

2 Samuel 20:9

Qep anam niieye, Joap eppeg nanehppa bahia awa, nug Amasa amegppa aum. “O lai, na attem daattem?” awa oɗ mettom. Oɗ metta, nug Amasa ootuqidkkunu nug eppeg naɗiap-ppa Amasa akkaɗi aɗom.

2 Samuel 5:24

Amge na gona, atu ad amu eleppa tewona, ad balsam amu gogppa oqotti laa, oqotti amuam ban danab ag laippuppa tappa ukkak oitteb oqotti bia, na oqotti amu doon, na da, Yawe, da na noomppa Pilistia aqadkkulnu gottem ippunidtte dookkut amunu, na amu doon, na paha ahan, Pilistia danab aqadkkutnu ukke!” awa aum.

Prowerb 19:14

Lag, en laa ele amu, amuam anig mameg ele aulah keeke; amge danab wau, ah amu nug eheɗ bemanu dabmak awa dabmak amu dim lamittak ah daatte dayeb, Yawe Nug ah amu epeɗia, danab amu mettom.

Aisaia 7:11

“Na Yawe, nahip Kayak, Nug na aɗinab at laa na ippunidkkunu oot daatte amu, na amunu Nug oɗ mette! At amuam wan unuqagppanute oot daatte, o iitta habppanute, o iitta adeppanu na oot daatte amu, na oɗib meppe, geha Kayak Nug nukka na at amu ippunidkku,” awa aum.

Rom 1:10

Da haen oh unuqittak dahilppa ag onilag diie, Kayaknu dabmaknab awak am inam daatte dayeb amu, da ahilagppa gemu gokkulnu ib laa ha meɗakkunu haen oh Nug oɗ medattem.

Ikki Danab 18:5

Nug anam amelagppa mattie, ag nug amegppa appig. “Na Kayak oɗ medappe, ihinig oiyak imuam meu ena okkutai, o iittatai ab doon, na ig appe doognignu oɗ medattem,” aon appig.

Ikki Danab 6:17

Yawe Nug anam aum, amu Gideon nug Yawe amegppa aum. “Na genab dahilnu ootppa ena doottem dayeb amu, na da genabnab genab, am na da ele madittem dookkulnu at laa meɗakkutnu oɗ medattem.

Ikki Danab 6:37

da na amu miagib ippuniɗkkutnu, inam hekkutnu oɗ medattem. Da geha tuqan sipsip uɗig laa ee aeg mumuɗaknu aben, da amuppa mekkul. Am sipsip uɗig amu baito qak buttua leppu ele daakku dayeb, amge wan am qaɗaiettak dayeb amu, da dookkul, na da ehaniɗppe, Israel danab ah Midian eppelagppanu eɗue diikkul; na nai mattime bia,” awa aum.

1 Samuel 20:7

Na geha mamen amegppa anam appe amu, nug, ‘Am ena, da nai iitta,’ akku dayeb amu, da, nahip maɗi nid, da am geha ena daakkul. Amge nug doya, nug amunu oo nauheb, na miag tutukku dookkut; na mamen nug da eheɗ heiɗkkunu dabmak awe ɠagattag eppom daatte.