Genesis 24:12 - Nobonob Baibel

¹² Maɗi nid nug anam dayaya, nug Yawe inam unuqittom. “O Yawe, na dahil okkainu Kayak, na da ehaniɗkkutnu, na dahil okkai Abrahamnu oo mauhaknab ele dookkutnu ool daatte.

Genesis 24:12 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 24:21

Nug anam heehe, maɗi nid nug dabmettatta, neekkitta dayom. Aɗinu? Yawe he, uɗat nuhig meu elele bettetai, amu anidkkunu heum.

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Genesis 24:42

Aria, gemu haen da le moɗppa uɗien dayeye amu, da Yawe unuqidmi. ‘O Yawe, danab okkai dahil Abrahamnu Kayak, na ehaniɗppe, oiyak imu da aakku hemi ele amu, nuhig meu pehettak bekkunu oɗ medattem.

Genesis 24:48

Mewoya amu, da gomelen, dup noin Yawe binag memi. Nug am dahil okkai Abrahamnu Kayak, amu da Nug onig okkai mettami. Nug da ehaniɗe, da ib genabppa Nahor laugppa, nug alag Rebeka, Aisaknu ah daakkunu aokkulnu uɗimi. Abraham Nahor ele aa am eamag.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 27:10

Heppi amu, na aon gona, na mamen medappe lakku. Lawowa, nug na itittak ena mettowa, dimppa nug nuhig mauhak haen dob amu, nug mauhkku,” awa aum.

Genesis 27:20

Nug anam a amu, Aisak nug oɗeppa awa aum. “Nan! Attemun na doɗ imu pahanab anidme?” awa oɗ mettom. A amu, Jakop nug oɗeppa awa aum. “Yawe, nahip Kayak, Nug da ehaniɗom amunu, da paha anidmi,” awa aum.

Genesis 28:13

Yawe Nug adqaɗ igippa dayaya, nug Jakop amegppa aum. “Da am Yawe, na alan Abraham, na mamen Aisak ele dilah Kayak. Na niittemppa, wan amu da heppi, na, amu na buɗunad ele aoglag.

Genesis 31:42

Kayak, Nug Abrahamnu Kayak, Nug da mamel, Aisak, Nug nuhig Kayak, danab ah ag nuhignu ebehilag oh bodoetta le mette ele amu, Kayak amu Nug da ii ehaniɗlo amu, na da hamu uuiɗppe uɗilom. Kayak Nug dahil uɗat nahipnu hemi, nahip kobol dahilppa heme amu, Nug amu oh ele antta, Nug tumai tuqan na daut batom,” awa aum.

Genesis 32:10

Da am nahip maɗi nid, na dahilnu oo mauhaknab kobol, oo metta ii uuak kobol ele doon hettem, amge da am nid ena amunu na amu helom am iittanab. Anukka da dahil hokkat eleib Jodan le mataɗmi; gemu amu, da danab ameg aɗit ele.

Genesis 32:9

Anam awowa, Jakop nug unuqitta aum. “O Yawe, na am da alal Abrahamnu Kayak, da mamel Aisaknu Kayak ele. O Yawe, na dahilnu inam ame, ‘Na eɗun, na appan diigppa, amu na nahipadppa ele gumadna goppe, da na ena atognoidkkul,’ aon ame.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

1 King 18:36

Amu tueb me, mana mettak haknu haenppa, propet Elaiya nug qaɗab guguitta wana, nug unuqitta, nug inam aum. “O Yawe, na am Abraham, Aisak, amu Israel ele dilag Kayak, na gemu deɗ imuppa na nakkaib Israel ippa Kayak daattem amu, na danab ah imu ippunadkkutnu, da na oɗ medattem. Laa amu, danab ah ag da am nahip maɗi nid, da nahip haknunab nai dim lamitte, keeke imu oh hemi amu, ag amu anidna dooglagnu ele ippunadkkutnu, da oɗ medattem.

2 King 2:14

Elisa nug Elaianu lamen amuppa Elaiya heum bia le makkuɗom. Haen nug le makkuɗaɗa, nug inam aum. “Yawe, Elaianu Kayak, Nug adeppa daatte?” awa aum. Awa a, le oppata, laih laih nanehppa, naɗiap-ppa ele ukka, ɠagattag dayeye, Elisa nug noa ukka, le daug laih teum.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Nehemaia 2:4

Da anam ai, king nug da oɗ meɗom. “Anam, amge na aɗi hekkutnu dabmettem?” awa oɗ meɗom. Nug anam oɗ meɗe, da Kayak hab attan daatte ⌊oolppaib⌋ unuqitten,

Sam 118:25

O Yawe, ig na ehanigppe, ig padal ii mematanu oɗ medattem. Ao, O Yawe, na ehanigppe, ig ena daagnignu unuqidttem.

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 37:5

Na wanppa bau daan oikkutnu keeke oh Yawe ulum medakkunu Nug eppegppa mee! Na nuhignu ootppa genab dooppe, Nug na ehanittatta, inam hekku.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Prowerb 3:6

Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Matyu 22:32

‘Da am Abrahamnu Kayak, Aisaknu Kayak, amu Jakopnu Kayak ele,’ awa aum. Kayak Nug danab mauhppig dilag Kayak ii daatte; Nug danab bau daatteb dilag Kayak daatte,” awa aum.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!