Genesis 24:10 - Nobonob Baibel

¹⁰ Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Genesis 24:10 ပူးပေါင်းရင်းမြစ်များ

Genesis 11:26

Tera nug maɗ 70 daye amu, nug bekkod Abram, Nahor, Haran ele doppig.

Genesis 11:29

Abram, Nahor ele amu, aa oh ah diipiɗ; Nahor nug Haran aɗeg Milkah awom. Haran aɗeg laa am onig Iska. Abram nug Sarai awom,

Genesis 11:31

Anam daye amu, Tera, amu nug bekka Abram, nug alag Lot, amu nug ahipa Sarai ele, nug ag omalatta ukkom. Lot amu, nug Haran bekka, amu Sarai, nug am Abram wau. Tera aɗi ele ag aab onig Ur, Kaldia wanppa daatte, ag aab amu uuna, Kanan wanppa gokkulagnu ahappig. Ahana amu, ag gona, Haran aabppa tena, ag aab amu uun, Kanan wanppa ii goppig. Iitta. Ag aguppa daaglagnu daappig.

Genesis 11:32

Tera nug Haran dayaya, nug nuhig maɗ 205 daye, nug mauhom.

Genesis 22:20

Abraham Nahor ele aa eamag, amu haen laa dimppa Abraham nug Nahornu nai inam doyom. “Nahor wau Milkah nug nid danab eblaih ewam ele menuattom.”

Genesis 24:2

Kaino ma, nug nuhig maɗi nid okkai nug Abrahamnu keeke oh gumadttom ele amu, nug nug amegppa aum. “⌊Na ihinig kobol nai ɠagattag qa anaknu, na kobol amu dim lamidna⌋ na eppen da tuɗil waappa mena,

Genesis 24:22

Kamel ag le lana malaeg, danab nug gagah laippu, amu enag eppelag baagppanu aɗit ele, keeke amu oh amu golppa hak, amu uug ahilag am 115 gram, nug amu awa, Rebeka mettom.

Genesis 24:53

Nug anam ha, nug gol, silwa, amu lamen ele awa, Rebeka mettom. Mettowa, nug keeke laala ahilag nob okkai ele amu awa, Rebeka anig, awag ele matom.

Genesis 27:43

amunu, na dahil nai imu oh dim lamitte! Na ahan, oolna Haran goppe, da awal Laban ele daaglah.

Genesis 29:1

Aria, Jakop ukka ukka, nug danab ah wan laa aam bedeppa daatte, ag appa daatteb ele amu, nug wan amuppa ta,

Genesis 29:2

nug neekke ukke, gikkiɗah dad okkaippa le moɗ, men okkai tonak dayeye, amu sipsip ameg ewam ele, ag le moɗ amu guguittak niiegeg anattom. Sipsip gumak danab ag haen oh le moɗ amuppa le itaeg, sipsip ladappig amunu, ag gukkuidna niippig.

1 Stori 19:6

Aria, King Hanun, Amon danab ele ag amu heeg ukke, ag Dawitnu neekkakppa eheɗ nau heppig dooppig. Dawit nug ahilagnu, danab nug uɗig nau noobppa dootte, nug ahilagnu anam doyom dooppig. Ag anam doyona, Hanun ag ele, ag 34,000 kilogram silwa aon, Aram Naharaim danab, Aram Maka danab, Soba danab ele ag ahilkad daup, laa ag bannu karis attan daan, ban hetteb, laa ag hos attan daan, ban hetteb ele amu, ag daup amu maadppeg, ag ehanadkkulagnu silwa amu meeg ukkom.

Aposel 2:9

Ig amu Partia, Midia, Elam, amu Mesopotemia ele daattem. Ig Juda, Kapadosia, Pontus, amu Asia ele daattem.

Duteronomi 23:4

Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.