Genesis 23:6 - Nobonob Baibel

⁶ “O danab naɗi, doye! Na ippa danab anuqak ig oonigppa daattem amunu, na ah nahip men oɗe enanag, laa oh eɗattakppa boumkkut. Ig oh na ah nahip men oɗe ihinigppa boumkkutnu aɗitai laa ii amata,” aon appig.

Genesis 23:6 ပူးပေါင်းရင်းမြစ်များ

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Genesis 14:14

Anam Lotnu a, Abram nug kekeɗ ag Lot aɗan, aon goppig doyowa, nug nuhikkud ban hak danab 318, ag anilkad Abram laugppa daanna menuadppig ele, nug ag onilagppa eum. Onilagppa e, ag Abram ele ahan, ag king waɗele dim lamadna, Dan aabppa batak goppig.

Genesis 18:12

Anam daapiɗ amunu, Sarah nug nai amunu ooppaib imaama dabmakppa aum. “Da amu ah kaino memi. Dahil naɗi, da gamul, nug ele danab kaino meum amunu, da nid awaknu oolppa gamag ahak, ena ele doyak dookkulte?” awa aum.

Genesis 20:7

Amge gemu na heppe, ah amu nug gamu toppa eɗua ukkaɗ! Aɗinu? Nug gamu am propet, amu nug nahipnu unuqidkku. Unuqitteb, na ii mauhmana, amge na heppe, eɗua ii gokku dayeb amu, na imu doye! Na, amu nahipadppa ele oh, ag genab mauhkkulag,” awa aum.

Genesis 21:22

Haen amuppa Abimelek, amu nuhig ban daup ikki anuqak onig Pikol ele, aa Kayak Nug Abraham ele daapiɗ anidya, aa Abraham gumidya goya, Abimelek nug Abraham amegppa aum. “Na keeke oh hettem amu, Kayak Nug na eleib daattep

Genesis 23:5

Abraham anam a amu, Hit danab ag amegppa appig.

Genesis 23:7

Aon aeg amu, Abraham nug aha, wan amuppan danab, ag Hit danab, nug ag noolagppa gomela,

Genesis 24:18

Awa a amu, Rebeka nug amegppa aum. “Danab okkai dahil, le iikkude la!” awa aum. Ana amu, nug paha hanak le ele awa, honap aɗa, le mettom.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Genesis 31:35

Amunu Rahel nug mameg amegppa aum. “Mama, da gemu ah dilag oɗe ele, diig amunu da ahakkulnu elele iitta amunu, na oot aib nauhom,” awa aum. A amu, Laban nug aben oh neekka oiyom, amge nuhikkud kayak hambuppuak dottolkad amu ii anattom.

Genesis 32:18

Nug anam ab amu, na inam appe dookku. ‘Doɗ imu oh amu maɗi nid nahip Jakopnu. Nug nuhig danab okkai Esau, hamu mettak nuhig daakkunu me uɗieye, nug dim uɗitte,’ aon akkut,” awa danab amu amegppa aum.

Genesis 42:10

Josep anam a amu, ag oɗeppa aon appig. “O naɗi, iitta! Ig, nahip maɗi nid amu, ig eeib daden mekkunignu uɗimut.

Genesis 44:5

Aɗinu ag dahil okkainu kap silwappa heppig yab aoppig? Dahil okkai nug kap amuppa le lanana, eman uɗat nuhig amuppa ele hette amu, ag iite dootteb? Ag nau heppig,’ aon a!” awa aum.

Genesis 44:8

Antte! Ig tatam Kanan wanppanu uɗimut, eɗut gota amu, silwa men doɗo ihinig bek oɗeppa dayom anidmut amu, ig gemu amu ele eɗut aot uɗimut. Amunu ig aɗinu nahip okkai laugppanu silwa, o gol keeke yab aognig?

Eksodas 32:22

Moses nug anam a, Aron nug Moses aum, nug nai amunu eɗua inam aum. “Danab naɗi dahil, na oot aib nauhom. Aɗinu? Na danab ah imu diilag doottem. Ag kobol nau hekkulagnu amu, ag ib amu oɗeppa daan oitteb.

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Rut 2:13

Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.