Genesis 23:16 - Nobonob Baibel

¹⁶ Awa a, Abraham nug nai amu doya, nug 4.5 kilogram silwa Epron aum bia, amu Hit danab noolagppa elele metta, Epron mettom. Keeke laihnu awa dadennu mak danab ag silwa men doɗo amunu, nuhig noob gane doon, maɗi ahilag heppig amu, Abraham amu dim lamitta heum.

Genesis 23:16 ပူးပေါင်းရင်းမြစ်များ

Genesis 23:15

“O danab naɗi dahil, doye! Wan amu nuhig nob am 4.5 kilogram silwa, amge da, na ele, ii gamanihppa amu, keeke amuam keeke iitta bia. Na ah nahip amuppa boume,” awa aum.

Genesis 43:21

ig eɗut gotata, ibppa niignignu hetata, ig bek uhuqta, silwa men doɗo ihinig anidmut. Silwa men doɗo ee daden memut amu, ig anamnab anidmut. Anam anidta amu, ig silwa men doɗo aot gota, aabppa daatta, gemu eɗut aot uɗimut.

Genesis 49:29

Jakop nug bekkod itatta mala amu, nug ⌊baula⌋ aum. “Anukka Abraham nug wan laa, men oɗe ele, Hit danab Epron, nuhigppanu daden meum. Wan amu onig Makpela, Kanan wanppa Mamre guguittak daatte. Ag Abraham, nug wau Sarah ele, amu Aisak, nug wau Rebeka ele appa boumadppig. Da waal Lea ele appa boummi. Amu gemu da mauhkkul hettem amunu, da ele appa boumiɗkkulag. Abraham nug wan amu, men oɗe ele Hit danab, nuhigppan awom,” awa aum. Jakop Nug anam awowa amu, nug eɗua, nuhig niiak abenppa niiaya, nug mauhom.

Genesis 50:13

Ag nug gaɗa maon Kanan wanppa gona, ag appa wan onig Makpela, Mamre guguittak, men oɗeppa boumppig. Abraham nug men oɗe amu, wan dayomppa ele Hit danab onig Epron, nuhigppanu boumak aben daakkunu awom.

2 Samuel 14:26

Am nug ikki uɗug elabnab dayom. Anam daye ukke, haen atten atten laala, ikki uɗug am uugnab doyom, diig amunu haen amuppa nug haen anen anenppa he, danab otaɗom. Nug otaɗe ukka, ikki uɗug nug otaɗom ele amu, ikki uɗug amunu uug am 2.3 kilogram. Uug amuam king uugnu melemel meum, am amu dim lamittom.

2 Samuel 24:24

Arauna nug anam aum, amge King Dawit nug nob ma aum. “Iitta! Da daden mekkulnunab doottem! Aɗinu? Da doɗ da ii daden memi amu, da doɗ amuppa manaknu ofa, Yawe, dahil Kayak, ii medapa. Iittanab! Da daden mewoya, da manen medakkul,” awa aum. Nug anam aum amunu, Dawit nug ee aeg mumuɗaknu aben amu, makau okkai ebehi ele daden mekkunu Arauna 600 gram silwa mettom.

Job 28:15

Danab nug doyak dabmak ena ele aokkunu nug gol, amge gol hamu iitta, nug gol enanagnab eppegppa aɗa, aben laappa ukka, daden mekkunu elele iitta. Ao, nug silwa uug gane awa ukka, daden mekkunu ele, elele iitta.

Eksodas 30:13

Na danab oh ag onilag yaabppe, ag anen anen 6 gram silwa ofa daakkunu da meɗeg! Silwa amunu uug am, mana mettak lagnu melemel bia dayaɗ! Sekel laippu, aria gera 20 ele, aa oh ahilah uug am laippu

Jeremaia 32:10

Aun wan amu mameg daattenu pepa amu, da pepa amuppa da onil yaai, danab laala ag pepa amuppa aɗi nai daatte anidna malan, onilag ele yaaeg, da pepa amu itoɗi qe, da pepa amu laa hamu kolamnanu qataqemi. Da qataqein maloya, da silwa amu skelppa mein mettami.

Jeremaia 32:9

da wan maha amu daden mein, da amal Hanamel eppegppanu aomi. Wan amuam Anatot guguittak daatte. Da 200 gram silwa awen, wan amu daden mekkulnu Hanamel mettami.

Esekiel 45:12

Aria, na skelppa uug dookkutnu dabmekkut dayeb amu, na, sekel, dabmekkut. Sekel laippu, aria gera 20 ele, aa oh ahilah uug am laippu. Aria, na 60 sekel mekkut dayeb amu, na, mina laippu dookkut,” awa atte.

Sekaraia 11:12

Aria, da anam hewoya, da ⌊Israel danab laa, da ahilag sipsip gumak danab bia daami amu,⌋ da ag amelagppa ami. “Ag oolag heeb, ag dahil nob, uɗat dahil ganenu meɗaglag. Iitta dayeb amu, ag aib meɗappig,” ami. Da anam ai, ag silwa men doɗo 30 ebqena meɗappig.

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Aposel 7:16

Ag mauhatteg, gaɗalag amu ag eɗun akkan gona, Sekem matmatppa boumadppig. Anukka Abraham nug silwa men doɗoppa wan amu Hamor buɗub, danab amu ag eppelagppanu awom.

Rom 13:8

Ag danab laanu lon aona amu, ag eɗun mekkulagnu haen anidna, ag aib uuppeg, hamu dayom. Ag daden meig! Laippuib, ag laa dilagnu oo mauhak kobol heppeg, elele mekkunu elele iitta amunu, ag amu hekkulagnu haen oh dabmetteg! Aɗinu? Aun nug kobol anam dim lamidtte amu, nug ɗo oh elele medatte.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.