Genesis 22:9 - Nobonob Baibel

⁹ Aa goya, aben Kayak aum, amuppa tewoya, Abraham nug qaɗab qa, aab qaɗab attan ilakkunu babaitta, Aisak hippala, aab qaɗeppa me niiom.

Genesis 22:9 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 12:8

Nug qaɗab qewowa amu, nug aha noa, wan qauko ele, Betelnu laih kaɗag uɗitteppanu daatte, nug appa ukkom. Nug peh lag nuhig aab aɗit Betel, Ai ele gamalahppa qappe, Betel am laih qaban uɗitteppanu daye, Ai am laih kaɗag uɗitteppanu dayom. Aben amuppa ele Abram nug qaɗab qa, Yawe noobppa dup noa binag maama, nug Yawe unuqittom.

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 22:10

Abraham nug anam he, Aisak anam niieye amu, Abraham nug Aisak yeeb mauhkkunu qep awom.

Genesis 22:8

Aisak anam a amu, Abraham nug aum. “O mam, Kayak Nug nukka Nug manaknu ofa, Nug amunu sipsip nag metakku,” awa aum. Nug anam awa a amu, aa gopiɗ.

Genesis 8:20

Ag nona malaeg, Noa nug qaɗab qa, nug doɗ, ai ele iɗu iɗu oh mana mettaknu elele, nug amu laippu laippu diiatta, manaknu ofa daaglagnu manatta, Yawe mettom.

1 King 18:33

Elaiya nug aab akka, qaɗab amuppa mewowa, nug makau dawai tuqe ne, amu teppu aab qaɗep maattom.

Sam 118:27

Yawe Nug Kayak daatte. Nug ig nuhig amahlak mekkom. Ag oolag gamag ahebeb, mana mettak aon uɗin, qaɗabppa meig!

Matyu 27:2

Qakkona amu, ag Jesus eppeg muɗippa qakkana, aon gona, Pailat eppegppa meppig. Pailat nug gawana dayom.

Mak 15:1

Aria, wagɗe buttuanab amu, mana mettak danab okkai, Juda dilag ikki danab, ɗo mehuqak danab amu Juda dilag hettoɗiak okkai onig Sanhidren, amunu danab ele ag oh qagmena, Jesus mauhkkunu nai qakkona, Jesus eppeg muɗippa qakkana, aon gona, Pailat eppegppa meppig.

Aposel 8:32

Amu nug Kayak nai laih laa ebqeum amu iikku. “Danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ao, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

Jems 2:21

Anukka ig alanig Abraham, nug bekka Aisak mana mettak qaɗab attan mewowa, mana Kayak medakkunu heum amunu, haen amuppa Kayak Nug kobol nuhig antta, nuhignu, “Genab tutukku hak danab,” awa aum.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.