Genesis 22:8 - Nobonob Baibel

⁸ Aisak anam a amu, Abraham nug aum. “O mam, Kayak Nug nukka Nug manaknu ofa, Nug amunu sipsip nag metakku,” awa aum. Nug anam awa a amu, aa gopiɗ.

Genesis 22:8 ပူးပေါင်းရင်းမြစ်များ

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

Genesis 22:14

Kayak Nug anam heum amunu, Abraham nug aben amu onig Yawe Yaira ataɗom. ⌊Nai amu eɗuak am, “Uug ihinig aɗi daakku amu, Yawe Nug ehanigkku.”⌋ Gemu, ⌊nai imu yaak haenppa⌋ ele ag atteb, “Yawenu qaukoppa Nug ehanigkku.”

Genesis 22:7

Aisak nug mamegnu, “Mama,” awa aum. A amu, Abraham nug, “O nagppi, aɗi?” awa aum. Abraham a amu, Aisak nug aum. “Aab aɗu, aab ehag ele am iikku, amge manaknu ofanu amu, amunu sipsip nag am adekku?” awa oɗ mettom.

Genesis 22:9

Aa goya, aben Kayak aum, amuppa tewoya, Abraham nug qaɗab qa, aab qaɗab attan ilakkunu babaitta, Aisak hippala, aab qaɗeppa me niiom.

2 King 2:6

Aa Jeriko appa daayya, Elaiya nug Elisa amegppa inam aum. “Na inam daye! Aɗinu? Yawe Nug da le Jodan gokkulnu amelppa aum,” awa aum. Nug anam aum, amge Elisa nug aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh gopiɗ.

2 Stori 25:9

Kayaknu danab amu nug anam a, Amasaia nug oɗ mettom. “Anam, amge da Israel dilag daup imu ag uɗin, da ehaniɗkkulagnu Israel dilag king silwa 3,400 kilogram metten malami. Silwa amuam hamu qettoɗmanu am da attem hekkul,” awa od mettom. Nug anam oɗ mette, Kayaknu danab amu nug nob ma aum. “Yawe Nug amu eɗittaknab eɗua medakkunu elele,” awa aum.

Matyu 19:26

Ag anam aeg amu, Jesus Nug ag tutukku neekkattatta, amelagppa aum. “Danab ag akka elele iitta, amge Kayak Nug keeke oh hekkunu elele,” awa aum.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 1:36

Ag anam daanna, Jon nug Jesus eɗitta ugekke antta, nug aum. “Antteɗ! Umu am Kayaknu Sipsip Nag,” awa aum.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 5:12

Daanna ag ahi inam qalan edappig. “Sipsip Nag, ag anukka qeeg mauhom ele, Nug ɠagattag, enub, doyak dabmak ena ele, ebehi, binag amu binag amahalak oppiaawak ele, onig okkai ele aokkunu onig awom daatte,” anana edappig.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig