Genesis 22:7 - Nobonob Baibel

⁷ Aisak nug mamegnu, “Mama,” awa aum. A amu, Abraham nug, “O nagppi, aɗi?” awa aum. Abraham a amu, Aisak nug aum. “Aab aɗu, aab ehag ele am iikku, amge manaknu ofanu amu, amunu sipsip nag am adekku?” awa oɗ mettom.

Genesis 22:7 ပူးပေါင်းရင်းမြစ်များ

Genesis 22:8

Aisak anam a amu, Abraham nug aum. “O mam, Kayak Nug nukka Nug manaknu ofa, Nug amunu sipsip nag metakku,” awa aum. Nug anam awa a amu, aa gopiɗ.

Genesis 8:20

Ag nona malaeg, Noa nug qaɗab qa, nug doɗ, ai ele iɗu iɗu oh mana mettaknu elele, nug amu laippu laippu diiatta, manaknu ofa daaglagnu manatta, Yawe mettom.

Eksodas 12:3

Amu aa Israel danab ah oh amelagppa keeke imunu apeɗ doyeg! Kalam imunu deɗ 10 amuppa, danab oh ag baelkadppa ele daatteb amu, ag anen anen ag sipsip nag, o meeme nag laa tituankkulag. Lag laippuppan oh ag doɗ laippu tituankkulag.

Eksodas 29:38

Am laa amu, ag deɗ anen anen oh ag sipsip gaiɗ maɗ laippu awak ele aɗit diiatna, qaɗabppa main, da meɗeg!

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 1:36

Ag anam daanna, Jon nug Jesus eɗitta ugekke antta, nug aum. “Antteɗ! Umu am Kayaknu Sipsip Nag,” awa aum.

Jon 18:11

Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.