Genesis 22:4 - Nobonob Baibel

⁴ Ag ukkaegeg, deɗ ewam uue, Abraham nug neekke ukke, aben amu uma anttom.

Genesis 22:4 ပူးပေါင်းရင်းမြစ်များ

Genesis 22:3

Kayak anam a, wagɗe buttuanab Abraham nug aha, keeke maknu donki gomeppa qakka, aab manaknu ofa haknu oppata me, Aisak, maɗi nid aɗit ele omalatte, aben Kayak aum, amuppa gokkulagnu goppig.

Genesis 22:5

Antta amu, nug maɗi nid aɗit amelahppa aum. “Aa inam donki gumaya daapeɗ, da Aisak ele i laih uppa goɗa, Kayak noobppa dup noɗa binag mewoɗa, i eɗuɗ uɗignih,” awa aum.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Esta 5:1

Aria, deɗ aɗit uue, deɗ ewamppa amu, Esta nug kuinnu lamen elab nuhig ma, nug kingnu lag enanagnab ooppan haɗap-ppa ukka, king nug uɗat hetteppan oo guguittak hibaitta dayom. Dayeye, King nug sia king nuhigppa, kingnu oo amuppa daya, nug neekke odppa ukke dayom.

Eksodas 15:22

Ag amu oh heeg ukke, dimppa Moses nug Israel omalatte, Le Kokoɗ uuna, ag Surnu atu taɗak amu aon gona goppig. Ag am atu taɗak amuppa deɗ ewam oippig, amge ag le laa ii anidppig.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 19:15

Moses nug inam amelagppa aum. “Ag laatu babaittaknab daaglagnu, ag amu henan dayeg! Ag beɗuppa wanak ele aib heppig,” awa aum.

Eksodas 5:3

Nug anam a amu aa apiɗ. “Kayak, Nug ig Hibru danab, ihinig Kayak amu, Nug ihinihppa na, Nug ig inam hekkunignu aum. Ig atu taɗak ooppa gokkunignu amu, ig deɗ ewam oit oit gokkunig. Ig gota, aben ig tekkunig ele, ig appa doɗ mait, Yawe mettagnig. Nug am ihinig Kayak. Na ig uuigppe gokkunignu atte. Ig gota, nuhignu anam ii hekkunig dayeb amu, Nug heeb, ig oɗe nau danab kuɗum aqe mauhtteb digdig aognigtai, o banppa eheɗ nauhkkunigtai,” aoya apiɗ.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Lewitikas 7:17

Amge doɗ teppu dayeb ukkeb, deɗ ewamppa daakku dayeb amu, teppu amu maneb ewa, iitta maknu daakkuoitte.

Namba 10:33

Moses nug Hobap ele aa amu mattiya malaeh, dimppa amu Israel danab ah ag Sinai qauko uuna, ag digmena, deɗ ewam goppig. Laa ag Yawenu Tituanak Nainu Kunup kontrak inak ele, laa ag amu maoppig ele amu, ag Yawe Nug ag haen tutu dayak aab adekkuppa kalaglagnu ippuanatteb daaglagnu, ag danab ah noolag aon anuqna goppig.

Namba 19:12

Deɗ ewamppa, amu deɗ eblaih aɗitppa ele nug le, amuam le heeb danab nug da Yawe, da ele ouqa dayaknu elelenu le amu, nug le amuppa da, Yawe, nug da ele ouqa dayaknu elele daakkunu hekku. Nug anam ha mala amu, nug da ele ouqa dayaknu elele daakku. Amge nug nukka deɗ ewamppa, amu deɗ eblaih aɗitppa ele le amuppa nug da, Yawe, nug da ele ouqa dayaknu elele daakkunu ii hekku amu, nug da ele ouqa dayaknu elele ii daama.

Namba 19:19

Am danab nug da ele ouqa dayaknu elele daatte amu, nug deɗ ewamppa, amu deɗ eblaih aɗitppa ele, nug danab nug da ele ouqa dayaknu elele iitta, nug nug le amu tauɗ qedakku. Nug anam heeb ukkeb, deɗ eblaih aɗitppa nug nug tauɗ qetteb, nug da ele ouqak dayaknu elele daakku. Danab nug da ele ouqa dayaknu elele bette amu, nug lamen iha, nug le layowa, tueb amu nug da ele ouqa dayaknu elele daakku.

Namba 31:19

Ag aun aɗi ag laa aqappig, o iitta laa mauhppig ele gaɗalag aɗualadppig ele, ag oh, deɗ eblaih aɗit ele haen tutu dayaknu aab kalak imu dimittim daaglag. Deɗ ewamppa amu, deɗ eblaih aɗitppa ele ag, aria Midiannu ag aɗualadna, ag eppelagppa daatteb ele, ag ahilagppa ele hena, ag Kayak ele ouqa dayaknu elele daaglagnu beɗulag, oolag ele babaitteg!

Matyu 17:23

ag heppeg da mauhkkul. Mauhppi, deɗ ewamppa Kayak heeb, da eɗue hippaidkkul,” awa aum. Nug anam a, nuhikkud ippunittak awak danab ag oolagppa uugnab dooppig.

Luk 13:32

Am Jesus Nug amelagppa aum. “Ag gona, hippeg qakkak danab amu amegppa inam appeg dookku. ‘Doye, da gemu, butti ele ouɗi nau lamattette, oɗe danab ele heppi ena daappeg, deɗ ewamppa da geha uɗat dahil malakkulnu gogppa tekkul.’

1 Korint 15:4

Ag Nug men oɗeppa boumeg, amu deɗ ewamppa Kayak naippa nai daatte bia, Kayak he, Nug eɗua hibaittom.

1 Samuel 26:13

Dawit aha ukka ukka, aben oolnu noak amu heqo laihppa ukka, nug qauko nakok laa igippa ta, hibaitta dayom. Qauko nakok amu aben Saul niiomppanu ukkak am, nakok uma daatte.