Genesis 22:3 - Nobonob Baibel

³ Kayak anam a, wagɗe buttuanab Abraham nug aha, keeke maknu donki gomeppa qakka, aab manaknu ofa haknu oppata me, Aisak, maɗi nid aɗit ele omalatte, aben Kayak aum, amuppa gokkulagnu goppig.

Genesis 22:3 ပူးပေါင်းရင်းမြစ်များ

Genesis 17:23

Kayak Nug eɗua te, Abraham nug deɗ amuppa Ismael, danab ag nug laugppa daappig ele amu, nug Kayak aum bia ag gaɗalag otaɗattom. Danab oh ag anilkad ag nug laugppa menuadppig, amu danab atu laihnu ele nuhig men doɗoppa diiak, nug ag oh gaɗalag otaɗattom.

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Genesis 22:2

Abraham anam a amu, Kayak nug amegppa aum. “Na nahip nid laippunab, Aisak, na nuhignu oot mauhtte ele amu, na nug aon, wan atu onig Moria gona, appa qauko laa da na ippunidkkul, amuppa na nugppa manaknu ofa he!” awa aum.

Genesis 22:4

Ag ukkaegeg, deɗ ewam uue, Abraham nug neekke ukke, aben amu uma anttom.

Sam 119:60

Nahip ɗo, da aɗi keeke hekkulnu atte amu, da pahanab dim lamitte hekkul. Da ameg mein daappi ukkeb haknu amu, da amu ii hepa.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

Galesia 1:16

Nug da Nug Bekkanu Nai Ena iitta aɗi amelagppa mehuqkkulnu Nug Bekka da ippuniɗom, amge da haen amuppa aɗi nai mehuqkkulnu danab laala ele nai ii mattimut.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

Josua 3:1

Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Josua 8:10

Amu ii wagɗeb buttuanab, Josua nug aha, nuhikkud danab diie, nug, Israel dilag ikki danab ele oh, ag ban hekkulagnu daup danab noolag aon, Ai goppig.