Genesis 22:1 - Nobonob Baibel

¹ Dimppa Kayak Nug Abraham ma anttak mettom. Nug Abraham onigppa e amu, Abraham nug oɗeppa awa aum. “Da ina, aɗitai appe dookkul,” awa aum.

Genesis 22:1 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 21:11

Sarah anam aum, amge Ismael ele nug Abraham bekka amunu, Abraham nug oo uugnab doyom.

Genesis 22:11

Abraham nug anam heehe, Yawenu engel nug hab aabppanu ewa, “Abraham, Abraham,” awa eum. E amu, Abraham nug aum. “Da ina, aɗitai appe dookkul,” awa aum.

Genesis 22:7

Aisak nug mamegnu, “Mama,” awa aum. A amu, Abraham nug, “O nagppi, aɗi?” awa aum. Abraham a amu, Aisak nug aum. “Aab aɗu, aab ehag ele am iikku, amge manaknu ofanu amu, amunu sipsip nag am adekku?” awa oɗ mettom.

Genesis 37:13

Israel nug Josep amegppa aum. “Na awanad ag doɗ Sekem guguittak gumadtteb amunu, na anadkkutnu meidppi gokkutnu hettem,” awa aum. Nug anam a amu, Josep nug, “Ena, da anam hekkul,” awa aum.

Genesis 46:2

Aria, tuqan tuleglegppa Kayak Nug Jakop amegppa, “Jakop, Jakop,” awa aum. Nug anam a, Jakop nug aum. “Da ina; aɗitai, appe dookkul,” awa aum.

2 Samuel 24:1

Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

2 Stori 32:31

Amu haen Babilon dilag king nug danab laala ag gona, Kayak Nug keeke laa danab hekkunu elele iitta heeb, Hesekaia nug eɗua ena daakkunu at laa matu mettomnu oɗmak hekkulagnu matte goppig amu, ag Jerusalem tena, Hesekaia anidnana, ag nug Kayak dabmettaknu kobol danab haknu elele iitta Yawe Nug Hesekaianu ha mettom amu, ag nug amunu oɗ medappig. Ag oɗ mettaeg, Yawe Nug Hesekaianu diig tutukku dookkunu Hesekaia ma anttak metta uuitte, ⌊Hesekaia nug danab amu amelagppa nuhig dabmakppanu nai madippig⌋.

Sam 11:5

Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Eksodas 16:4

Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Eksodas 3:4

Amu Yawe Nug Moses ad nakok amu anidkkunu gukkuitta ugekke antta, Kayak Nug baag aab ewak amu ooppanu, “Moses, Moses,” awa aum. A amu, Moses nug aum. “Da iikku daattem,” awa aum.

Prowerb 17:3

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.

Aisaia 6:8

Aakku Naɗi Nug inam oɗmak heehe baag doomi. Nug inam aum. “Am da aun geha meppi gokku? Am aun nug geha ihinig nai awa gokku?” awa aum. Awa a amu, da ami. “Da iikku; na appe, da gokkul,” ami.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

Duteronomi 13:3

ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Hibru 11:17

Abraham nug Kayaknu ooppa genab doyom amunu, haen Kayak Nug Abraham ma anttak mettom, haen amuppa Abraham nug bekka mana, Kayak medakkunu keeke oh babaitta, ⌊Kayak medakkunu⌋ heum. Anam ha dayeye, Kayak he, nug bekka ii qeum, amge Kayak Nug Abraham amu oh helo bia doyom. Tatam Kayak Nug Abraham amegppa Aisaknu inam aum. “Na buɗunadnab am Aisak, nuhigppa bekkulag,” awa aum. Yo, Kayak anam nai qakka a, Abraham nuhig nai amu awom, amge dimppa nug Kayak oɗe dim lamidkkunu, Aisak mana, Kayak medakkunu keeke oh babaittom. Aɗinu? Abraham nug anam hekkunu haaha, nug Kayaknu inam dabmeum. “Da bekkal mauha, eɗua hippaidkkunu amu, Kayak Nug amu hekkunu elele.” Nug anam dabma, keeke oh Aisak mana, Kayak medakkunu babaitta mala dayom amunu, ig inam akkunignu elele. “Abraham nug bekka mauhak abenppanu eɗua awom,” aot akkunig.

Jems 2:21

Anukka ig alanig Abraham, nug bekka Aisak mana mettak qaɗab attan mewowa, mana Kayak medakkunu heum amunu, haen amuppa Kayak Nug kobol nuhig antta, nuhignu, “Genab tutukku hak danab,” awa aum.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Ikki Danab 2:22

Yawe anam ha, amu Kanan danab, amu dilagppa, Nug he, Israel ag, ag mamelkad aɗi ag Yawe oɗe dim lamidna, nuhig ib genab dim lamidppig, ag amubia hekkulagte, o iittate ma anttak mattom.

1 Samuel 3:4

Nug anam niieye, Yawe nug Samuel onigppa eum. Yawe Nug anam e, Samuel nug, “Da iikku daattem!” anana,