Genesis 21:31 - Nobonob Baibel

³¹ Aa aben amuppa nug tituanyaya, aa Kayak onigppa ahilah nai ɠagattag qeya apiɗ amunu, nug aben amu onig Berseba ataɗom.

Genesis 21:31 ပူးပေါင်းရင်းမြစ်များ

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 21:32

Aa Berseba appa nug tituanya maloya amu, Abimelek, amu nuhig ban daup ikki anuqak Pikol ele aa eɗuya, Pilistia wanppa gopiɗ.

Genesis 26:23

Dimppa Aisak nug aha, wan amu uua, Berseba ukke,

Genesis 26:31

wagɗe buttuanab ag ahan, Pilistia, aria Aisak ele ag nai ɠagattag qa anak ahilag qakkona, Aisak a, ag eɗun maɗoɗ ele goppig.

Genesis 26:33

Anam aeg, Aisak nug onig Siba ataɗom amunu, ag gemu, ⌊nai imu yaak haenppa⌋ ele aab amu onig am Berseba daatte.

Genesis 46:1

Jakop anam awowa, nug aha, keeke oh babaitta, nug baekkudppa oh omalatta, keeke oh nuhignu dayom ele awa ukka, Berseba appa doɗ manatta, nug mameg Aisaknu Kayak mettom.

2 Samuel 17:11

Anam amunu, dahil dabmak am inam. Na heppe, Israel dilag ban danab ohnab, aab onig Dan, appanu ukka ukka, Berseba aabppa batak, na heppe, ban danab amu ohnab ag nahip-ppa uɗiglag. Danab amu ahilag ebqak am yu ihippa abuɗ niitte amubia. Danab amu oh ag uɗippeg, na ag noolag aoppe, ag oh ban hekkulagnu gokkulag.

2 Samuel 24:7

Ag Saidon tewon, eɗun uɗinna, aab Tair aɗ ɠagattagnab eleppa nena, aab oh Hiwi danab daappig, Kanan danab daappigppa ele ebaqappig. Ag amu hewona, ag nena uɗinna, Berseba batak ag ebqak uɗat amu malappig. Berseba am Juda wannu tom yau uɗitteppanu, appa ana daatte.

1 King 19:3

Nug nai amu me ukke, Elaiya doyowa, nug baɗa aha, mauhmanu oola ukkom. Nug oola ugakka, nug Juda wanppanu aab laa onig Berseba, appa tewowa nug he, nuhig maɗi nid nug appa dayom.

1 King 4:25

Haen Solomon nug king dayeye amu, Juda danab ah, am Israel danab ah ele, aab onig Dan, appanu ukka ukka, Berseba aabppa batak, ag oh baɗak iittappa daappig. Amunu danab oh anen anen ag ahilag ad fig, amu muɗi grep ele waappa daanna, ag gumappig. Haen amuppa keeke eheɗ laa ahilagppa ii beum. Iitta.

Nehemaia 11:27

Hasarsual, Berseba, aab naunau aab amu talilidtteb ele,

Amos 5:5

Amge ag amu hekkulagnu ag Betel appa aib mattiɗna goppig. Ag Gilgal ele aib goppig. Berseba ele aib goppig. Aɗinu? Kekeɗ ag genab uɗin, danab ah Gilgal appanu diin goppeg, Gilgal danab ah ag wan laappa diia ukka laih me dayak danab ah daaglag. Ao, kekeɗ ag ele Betel loppaɗna heppeg, nauha autanab awa daakku.” Yawe anam atte.

Josua 15:28

Hasarsual, Berseba, Bisiotia,

Ikki Danab 20:1

Am anam beum, aakku Israel ohnab, aab onig Dan, appanu ukka ukka Berseba batak, Gileat wanppanu ele, ag oh aɗa mak laippu, Mispa appa Yawe noobppa qagmeppig.