Genesis 21:3 - Nobonob Baibel

³ Sarah menue amu, Abraham nug bekka onig Aisak ataɗom.

Genesis 21:3 ပူးပေါင်းရင်းမြစ်များ

Genesis 17:19

Abraham anam a, amu Kayak Nug aum. “Ao, amge na waat Sarah nug na bekkat menukku. Menueb, na nug onig Aisak ataɗkkut. Anam amu, nug tituana nai qakkak nai dahil am nug, nug buɗub dim dokkulag ele, am ag oh ele haen oh daakku.

Genesis 17:21

Amge Sarah dimppa maɗ imu uueb, maɗ laa amuppa haen inamppa, nug nid nahip Aisak menukku; amu nug tituana nai qakkak nai dahil am nuhigppa daakku,” awa aum.

Genesis 21:12

Nug oo uugnab doyom, amge Kayak Nug Abraham amegppa aum. “Na Hagar, bekka ele dilah oot uugnab aib doome. Sarahnu nai amu dim lamitte! Aɗinu? Na buɗunadnab am Aisak, nuhigppa bekkulag.

Genesis 21:6

nug aum. “Kayak Nug he, da imak maɗoɗppan gamag ahakppanu aomi daattem. Amu danab laa oh ag keeke dahilppa beum dooglag amu, ag ele anamib dooglag,” awa aum.

Genesis 22:2

Abraham anam a amu, Kayak nug amegppa aum. “Na nahip nid laippunab, Aisak, na nuhignu oot mauhtte ele amu, na nug aon, wan atu onig Moria gona, appa qauko laa da na ippunidkkul, amuppa na nugppa manaknu ofa he!” awa aum.

Genesis 25:19

Imuam Abraham bekka, Aisaknu nai. Abraham nug Aisak mameg, amu

Matyu 1:2

Abraham bekka am Aisak. Aisak bekka am Jakop. Aria, Jakop bekkod am Juda, nug awakkud amakkud ele.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Rom 9:7

Ele amu laa oh ag Abraham tiigppan doppig ele amu, Kayak Nug ag ahilag ohnu nai ii qakkom amunu danab oh ag Abraham tiigppan doppig, ag oh am nug bekkodnab ii daatteb. Aɗinu? Anukka Kayak Abraham amegppa inam aum. “Na buɗunadnab am Aisak, nuhigppa bekkulag,” awa aum.

Josua 24:3

Amge da na alan Abraham wan Yupretis appanu awe, Kanan wan ohppa omali oiyom. Da nug buɗub kuɗumnab mettami. Da nug Aisak metten,