Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Genesis 21:27 - Nobonob Baibel

27 Abimelek anam a amu, Abraham nug nuhig sipsip laala, amu makau laala ele Abimelek mette, aa nug tituanpiɗ.

အခန်းကိုကြည့်ပါ။ ကော်ပီ




Genesis 21:27
15 ပူးပေါင်းရင်းမြစ်များ  

King amu ag anam heeg ukke, Abram nug am Hibru danab amu, haen amuppa nug Mamrenu ad ok gukkuattak dayom. Dayeye amu, Amo danab onilag Mamre, Eskol, Aner ele, ag am eamakkud amu, ag Abram ele nug tituanak ena daanna oidppig. Anam daaegeg amu, bannu oolak danab laippu nug Abram gumitta ukka, nug amegppa aum. “Ag Lot aɗi ele diiadna goppig,” awa aum.


Abraham nug le moɗnu a amu, Abimelek nug Abraham oɗeppa awa aum. “Danab aun heum amu, da ii doottem. Da gemu iikkuib ae doottem. Na anukka da amelppa ii ame,” awa aum.


Aa nug tituanya, Abraham nug doɗ sipsip balat nuhig eblaih aɗit baula ele awa otia, piɗe meum.


Elele iitta amunu, i nug tituanɗa nai qakkagnih. I nug tituanɗa nai qakkagnih amu, nug tituana nai qakkak amuam i oonihppa laa aɗi heehe anttomnu mattiak danab bia daakku,” awa aum.


Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.


Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.


Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.


Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.


Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.


Nug ag diia, Babilon gokkun dayaya, nug Dawit buɗub laa, ag Juda dilag king daaglagnu elele amu, nug ag oolagppan laa awe, nug king daakkunu nug ele nug tituanya, nai qakkaya, Babilon dilag king nug he, laa amu nug Babilon dilag king waappa dayaya, nuhig nai dim lamidkkunu nuhig nai ɠagattag qetta aum. Amu Babilon dilag king nug Juda dilag ikki danab laa ele diia, Babilon uɗiom.


Amu ag dabmak pehettak iitta ele. Ag nai qakkan atteb, amge ag ii dim lamidtteb. Ag lailkad dilagnu, ag ahilagppa nug ehanittak kobol ii dim lamidtteb, amu ag oo doyak ii doyaya nau hak kobol ele dim lamidtteb.


O lailad, gemu da ig danab ihinig kobol daatte amuppanu da antte oo maittak nai laa attem. Danab laa nug geha dimppa mauhkku amu, nug amunu dabma, nug enub oh bekkod aoglagnu nug nuhig dabmakppa elele otia, anen anen aɗi aoglagnu nug tituana nai qakkaknu uɗugppa yeeb, danab laa ele nai amu antta onig yeeb amu, danab laa nug nai amu ii qeeb nema; o laa nug nai amu baolia nai laa ii tuɗidma.


Aria, Dawit nug aben Saul daatte, amuppa dayeye, Saul bekka Jonatan, nug nukka nuhignu oo mauhom, amubia nug Dawitnu oo mauhom amunu, nug Dawit ele aa nug tituana nai qakkak laa hepiɗ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ