Genesis 21:21 - Nobonob Baibel

²¹ Nug atu taɗak onig Paran amuppa dayeye, nug anig Isip ah laa awa mettom.

Genesis 21:21 ပူးပေါင်းရင်းမြစ်များ

Genesis 14:6

Hor danab ele, ag Seir wanppa laih qauko qauko eleppa daappig amu, ag ag ele eɗadna, aben laa onig Elparan, atu taɗak guguittak daatte amu, amuppa batappig.

Genesis 16:3

Abram nug Kanan wanppa maɗ 10 daye, Sarai nug maɗi ah nuhig Hagar amu, nug Abram wau daakkunu Abram mettom.

Genesis 25:18

dimppa nug buɗub ag Hawila, Sur ele gamalahppa oittappig. Wan amuam Isipnu tom kaɗag uɗitteppanu, am tom amu dim lamitta daye, am tom amuppanu ukka ukka, Asur batak. Ag wan amu ooppa oinna, ag ahilkad tiig laippu ele kekeɗ mettak daadttappig.

Genesis 27:46

Rebeka nug Jakop amegppa awowa, nug ukka Aisak amegppa aum. “Da Hit ahnu ool bahi yaatte. Jakop nug ag oolagppanu ah laa aolo amu, da mauhlom am ena,” awa aum.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.

2 Stori 24:3

Jehoiada nug ah aɗit, Joas wauuɗ daaglahnu tituanate diiate, Joas aa ele ag nid danab, nid ah ele menuadppig.

Jeremaia 29:6

Ag amu henan, danab ah ag ewau matulak aonna, ag nid danab, nid ah ele menunna, ag bekkalkad, aɗelkad amu, ag ele nid danab nid ah menuadkkulagnu, ag bekkalkad, aɗelkad dilag danab ah ele mattin anadppeg, ag ewau matulak aweg! Ag kuɗum appatna oiyeg! Agib anam daan, mauhadna laib laib anamib aib daappig.

Habakuk 3:3

Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Namba 12:16

Miriam nug haen tutu dayaknu aab kalak amuppanu meeg, dimittim dayom ukke, ag eɗun aon doeg, Israel oh ele daappig dimppa, ag ahan, Haserot uuna gona, haen tutu dayaknu aab bau Paran atu taɗakppa, appa kalappig.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Namba 13:3

Yawe Nug anam haknunab aum amunu, Moses nug Paran atu taɗakppa, appanu danab amu maatte goppig. Danab amu oh ag Israel dilag ikki danab.

1 Korint 7:38

Amu danab ah makkun ele aa nug tituanoya, dimppa ewau matulak aottep amu, danab amu nug kobol ena hette. Amge danab ah makkun ele aa nug tituanoya, dimppa aa ewau matulak ii aottep amu, danab amu nug am enanag hette.

Ikki Danab 14:2

Nug antta, haen nug eɗua aabppa ukka, amu nug mameg anig ele amelahppa aum. “Da Pilistia ah makkun laa Timna appa anidmi, amu nug dahil ah daakkunu hepeɗ, i ewau matulak aognihnu ool daatte,” awa aum.

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.