Genesis 21:2 - Nobonob Baibel

² Nug he, Sarah nug oo ele daye, Abraham nug danab kaino oiyeye, Sarah nug nid danab menuom. Kayak Nug anukka Abraham amegppa hekkunu nai ana qakkom amu, haen amuppanab Sarah nug nid menuom.

Genesis 21:2 ပူးပေါင်းရင်းမြစ်များ

Genesis 17:19

Abraham anam a, amu Kayak Nug aum. “Ao, amge na waat Sarah nug na bekkat menukku. Menueb, na nug onig Aisak ataɗkkut. Anam amu, nug tituana nai qakkak nai dahil am nug, nug buɗub dim dokkulag ele, am ag oh ele haen oh daakku.

Genesis 17:21

Amge Sarah dimppa maɗ imu uueb, maɗ laa amuppa haen inamppa, nug nid nahip Aisak menukku; amu nug tituana nai qakkak nai dahil am nuhigppa daakku,” awa aum.

Genesis 18:10

Abraham anam a amu, ag oolagppan laa nug aum. “Maɗ imu uueb, maɗ laa amuppa, haen inamppa da geha eɗue uɗippi, amu haen gamag amuppa nahip ah Sarah nug nid danab aweb daakku,” awa aum. Nug anam aawo amu, Sarah nug danab amu dimugppa peh lag ooppa dayaya nai amu doyom.

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

Luk 1:36

Doye, na tiin laippu Elisabet nug kaino meum, amge nug oo ele. Nug nid danab menukku. Anukka nug nid menuaknu elele iitta, amge gemu nug oo ele dayeye, nuhig kalam eblaih laippu ele daatte.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Rom 9:9

Kayak Nug nuhig nai qakka aum am inam. “Haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku.”

Galesia 4:22

Kayak naippa yaak laa Abrahamnu amu inam daatte. Abraham nug bekoɗ aɗit; begbeg maɗi ah nug laa menue, amu Sarah, nug am begbeg maɗi ah iitta, nug nid laa menuom.

Hibru 11:11

Sarah nug am ah mattoi, nug kaino ma, nid aokkunu haen nuhig iitta meum, amge Kayak Nug nug nid menukkunu nai qakka a, Sarah nug Kayaknu ooppa genab doyom amunu Kayak he, Sarah nug nid menukkunu elele dayom

Josua 24:3

Amge da na alan Abraham wan Yupretis appanu awe, Kanan wan ohppa omali oiyom. Da nug buɗub kuɗumnab mettami. Da nug Aisak metten,