Genesis 21:17 - Nobonob Baibel

¹⁷ Haen amuppa Kayak Nug nidnu gayak doye, nuhig engel hab aabppanu Hagar onigppa eum. “Hagar attem he gaattem? Kayak Nug nid danab nahip laih uppa niitte amu, Nug nuhig gayak doyom amunu, na aib baɗame.

Genesis 21:17 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 16:11

Yawenu engel nug baula ele aum. “Na gemu oot ele daattem. Dimppa na nid danab menukkut. Menuna amu, na nug onig Ismael ataɗkkut. Aɗinu? Yawe Nug nahip gayak doyom.

Genesis 16:7

Oola ukke, Yawenu engel nug atu taɗakppa Hagar le ameg qeppuɗia bedeppa gumitta na anttom. Le amu, am Sur ukkaknu ib giginppa daatte.

Genesis 16:8

Engel Hagar antta amu, nug Hagar oɗ mettom. “Hagar, Sarainu maɗi ah, na adeppanu uɗime? Na adeppa gottem?” awa oɗ mettom. Anam ana oɗ mette, amu Hagar nug engel oɗeppa awa aum. “Da dahil okkai Sarai uuitten oole gottem,” awa aum.

Genesis 16:9

Awa a amu, Yawenu engel nug aum. “Na eɗun gona, nahip okkai Sarai waappa daye!

Genesis 22:11

Abraham nug anam heehe, Yawenu engel nug hab aabppanu ewa, “Abraham, Abraham,” awa eum. E amu, Abraham nug aum. “Da ina, aɗitai appe dookkul,” awa aum.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 46:3

Jakop anam a amu, Kayak Nug aum. “Da Kayak, na mamennu Kayak. Na Isip gokkutnu aib oot baɗom. Aɗinu? Na appa daappe, da heppi, na buɗunad ag appatna, huu okkainab, ɠagattag ele daaglag.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

2 King 13:4

Aria, King Jehoahas nug Yawe ehanidkkunu unuqitte, Yawe Nug Jehoahasnu unuqittak amu doyom. Aɗinu? Yawe Nug doyom, Aram ag eheɗ huanak Israel dilagppa heppig.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 6:8

Danab ag nau hetteb ele, ag qe mena, da uuiɗeg! Aɗinu? Yawe Nug gayak dahil doyom.

Sam 65:2

O Kayak, na, laa iitta, na ihinig unuqittak doona, na ig ehanigttem ⌊amunu,⌋ danab ah oh ag geha nahip-ppa wakkulag.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Eksodas 22:23

Ag laa amubia, ag ahilagppa eheɗ heppeg, ag da amelppa amunu gaappeg amu, da ahilag ewak genabnab genab dookkul.

Eksodas 22:27

Aɗinu? Nug ulahnu lamen laippu aakkuib. Nug tuqan beɗu ulah qemanu amuib laidtte amunu, ag eɗun ii mettanna, ag aɗaglag dayeb amu, geha nug tuqan aɗi beɗu laitta niikku? Dahil oo bodoetta le mak kobol danab ah oh dilagppa daatte amunu, haen nug da ehanidkkulnu unuqiɗkku amu, da geha nuhig unuqittak amu doyen ehanidkkul.

Eksodas 3:2

Amu Moses nug appa oiyeye, Yawenu engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayeye, Moses nug ad amuppa aab ewewe anttom, amge nug aab dittia, ad ewa ii malele ele anttom.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Aisaia 22:1

Nai meunab ele Jerusalemnu Yawe he, ⌊Aisaia⌋ doyom ele am iikku. Jerusalem danab ah, ag attem hena, ag ahilag lag koɗokko uɗem ukkakppa teppig daatteb?

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Matyu 15:32

Danab ah ag anam heeg amu, Jesus Nug nuhikkud ippunittak awak danab onilagppa e doeg, ag amelagppa aum. “Da danab ah imu oh dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta. Da heppi, ag enug gokkulagnu ool ii daatte. Aɗinu? Da ee ii matten heppi, ag enug aqebeb gonana, ib manppa ag amelag qittineb, nena qekkulagtai,” awa aum.

Mak 5:36

Ag nug amegppa aeg, Jesus Nug nai amu daugppa doya, Nug Jairus amegppa aum. “Na aib baɗame! Na ootppa genab doye!” awa aum.

Duteronomi 26:7

Isip ag anam eheɗ heikkeg, ig Yawe, ig mamenkad aɗi dilag Kayak, ig Nug unuqittut, Yawe Nug baanig doya, ig oonigppa naunab nau dootta, uɗat uug ele hetat, ig gai-iitta daautut, danab laa eheɗ heigppig anttom.

Ikki Danab 18:23

Ag gona gukkualadnana amu, ag gonana, enan wappig. Ag anam heegeg, Dan danab ag eɗun aon, Maika amegppa appig. “Na aɗinu oot daatte amunu, na danab imu oh onilagppa e ukkan qagmena, ahan ig dim lamigna banenig uɗippig?” aon appig.

1 Samuel 11:5

Ag mattieg, ag gaaegeg, haen amuppanab Saul nug dattanu makau dim lamatta uɗia doya, nug oɗ matta aum. “Eheɗ attem beum? Attem beum amunu, danab ah gaatteb?” awa oɗ mattom. Nug anam a amu, ag Jabes danab aɗi aɗi appig, ag amu oh aeg doyom.