Genesis 21:15 - Nobonob Baibel

^15-16 Hagar nug oiyeye, le iitta me, Hagar nug Ismael atu taɗakppa ad nakok logoppa uuitte dayeye, nug nakok uma ukka dayom. Aɗinu? Nug dabmak inam awom. “Da nid neekkitte daappi mauhknunu amu elele iitta,” dabma gaye, ⌊nid ele gayom⌋.

Genesis 21:15 ပူးပေါင်းရင်းမြစ်များ

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

1 King 17:12

Ewa a amu, ah qab nug aum. “Yawe, nahip Kayak, Nug genab bau daatte, genab amubia, da bret iitta. Da plaua nakokib waa laappa dayeye, am olip goɗen big nakok hinaippa daatte. Geha iikku da aab hiɗig imu awe ukke, plaua amu maikkul. Geha da maippi, da bekkal ele i lawoɗa, dimppa amu ee laa iitta amunu, geha i mauhkkunih,” awa aum.

2 King 3:9

Anam amunu, Israel dilag king Joram, Juda dilag king Jehosapat, amu Edom dilag king ele, ag ahan, ahilkad ban danab diieg, ag goppig. Ib amuam ib elab amunu, deɗ eblaih aɗit ele ib amuppa goppig. Ukkaegeg, ban danab dilag le, amu doɗ dilag le ele aon goppig amu, iitta meum.

Sam 63:1

O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

Aisaia 44:12

Danab nug aenppa uɗat haknu doyak okkai ele, nug aen maha awa, aab aɗu eotteppa me gakkaɗe, nug hamappa qeeqe, dottog laa aakku ha bette. Anamnab danab nug doyak amu ele nug hamappa kayak hambuppuak dottog aenppa bappaidtte. Nug eppeg am ɠagattag ele, amu nug eppegppa hama aɗa, uɗat amu hette. Nug hette, amge nug haaha, enug qeeqe, nug beɗu gai-iitta mette. Ao, nug hette, amge nug haaha, nug le baag diie, nug ameg qittintte.

Jeremaia 14:3

Anuqak danab ag heppeg, ahilkad maɗi nid ag le moɗ buuppigppa le itaglagnu gokkulag, amge ag le laa ii anidmana. Ag le ii anidna, ag eɗun, le iitta hamu gonana, ag oolagppa uug nau qak doon, dabmak huanaknab aonna, ikkilag hautkkulag.