Genesis 20:2 - Nobonob Baibel

² Appa daayya, Abraham nug Sarahnu aum. “Nug amu, da appinal,” awa aum. Anam aum amunu, Gerar dilag king Abimelek nug Sarah nug wau daakkunu awom.

Genesis 20:2 ပူးပေါင်းရင်းမြစ်များ

Genesis 12:15

Anidna amu, Paro ehanittak anuqak danab ag Paro amegppa Sarainu inam appig. “Nug amu ah enanag,” aon appig. Ag anam anana, ⌊Paro he,⌋ ag Sarai omalna, Paronu lag enanagnab, amuppa goppig.

Genesis 20:12

Laa ele, nug am genab da appinal. I mamenih laippu, amge i aninih piɗe piɗe amunu, da nug aomi.

Genesis 21:22

Haen amuppa Abimelek, amu nuhig ban daup ikki anuqak onig Pikol ele, aa Kayak Nug Abraham ele daapiɗ anidya, aa Abraham gumidya goya, Abimelek nug Abraham amegppa aum. “Na keeke oh hettem amu, Kayak Nug na eleib daattep

Genesis 26:1

Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Genesis 26:16

Abimelek nug Aisak amegppa aum. “Na ig eɗigttem amunu, ahan ukke!” awa aum.

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

2 Stori 20:37

Aa heeh, uub itak danab ag uub amu aakku itadppig, amge ag heegeg, Maresa danab Dodawahu bekka Elieser, nug propet, amu nug Jehosapat dimppa aɗi bekkunu nai imu mattie doyom. Nug aum, “Na Ahasia, ⌊Nug Yawenu neekkakppa nau hak danab amu,⌋ na nug ele nai qagapiɗ, diig amunu Yawe Nug heeb, keeke na heme ele am nauhkku,” awa aum. Amu nug aum, amubia uub amu ii oippig haenppa aakku nauheg, danab ag uub amu aon gona, en aon uɗiglagnu elele iitta.

2 Stori 32:31

Amu haen Babilon dilag king nug danab laala ag gona, Kayak Nug keeke laa danab hekkunu elele iitta heeb, Hesekaia nug eɗua ena daakkunu at laa matu mettomnu oɗmak hekkulagnu matte goppig amu, ag Jerusalem tena, Hesekaia anidnana, ag nug Kayak dabmettaknu kobol danab haknu elele iitta Yawe Nug Hesekaianu ha mettom amu, ag nug amunu oɗ medappig. Ag oɗ mettaeg, Yawe Nug Hesekaianu diig tutukku dookkunu Hesekaia ma anttak metta uuitte, ⌊Hesekaia nug danab amu amelagppa nuhig dabmakppanu nai madippig⌋.

Prowerb 24:16

Aɗinu? Genab tutukku hak danab nug haen eblaih aɗit ele na qekkutai, amge nug eɗua ahakku; genab tutukku hak danab nug anam hette, amge nau hak danab ag uug naunab he, nauhtteb.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Prowerb 6:29

Amubia, danab aun laa nug danab laa wau ele niiglah amu, nug guittak aokku; nug geha amunu nob nau aokku.

Eklisiastis 7:20

Wan imuppa genab tutukku hak danab daatteb, amge ag oolagppa laippu laa nug tutukkuib haaha, deɗ laa hipunin iinab hette laal ii daatte.

Epesus 4:25

Ag kobol hambuppuak uueg! Ag nai genabib laa amelagppa mattieg! Aɗinu? Ig am beɗu laippunu laih kuɗum daattem.

Kolosi 3:9

Amu ag lailkad aib buppualadppig. Aɗinu? Ag oolag alagnu kobol oh am uuna,