Genesis 2:9 - Nobonob Baibel

⁹ Yawe Kayak dad heum, amuppa Nug he, ad iɗu iɗu, amuam ad bala anattaknu, ad meu lanaknu ele, ad amu oh beppig. Dad gamagppa amu, Nug he, ad aɗit laa ele bepiɗ; amu laa am bau dayaknu ad, laa am keeke ena, keeke nau ele doyaknu ad.

Genesis 2:9 ပူးပေါင်းရင်းမြစ်များ

Genesis 2:17

amge na keeke ena, keeke nau ele doyaknu ad, nuhig meu amu, na aib lame. Aɗinu? Deɗ laa na lawona, na mauhkkut,” awa aum.

Genesis 3:22

“Danab nug keeke ena, nau ele doya, ig bia daatte. Bau dayaknu ad dad gamagppa daatte amu, nug meu amu lawowa, haen oh daamanu, nug dad imuppa ii daama,” awa aum.

Genesis 3:24

Yawe Kayak Nug danab ah ele lamatowa, nug dad Iden wanppa dayom laih kaɗag uɗitteppanu, appa engel okkai-kerubim, amu aab aɗu, qep iɗu bia ele maattom. Ag dad amunu ib, danab ooppa eɗua bau dayaknu ad meu lakkunu ii nomanu gumappig.

Genesis 3:3

amge Kayak Nug ad laippu, dad imu gamagppanab daatte umu, nuhig meunu amu, Nug i amenihppa inam aum. ‘Aa aib lapiɗ, aib aɗapiɗ. Aa lakkulah dayeb, aa mauhkkulah.’ Kayak Nug anam i amenihppa aum,” awa aum.

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Aisaia 47:10

Ag nau hak kobol ahilag dimugppa, guppiɗ dimugppa dayak bia, ag anam daanna, ag, ‘Laa ii anigtte,’ adappig. Ahilag doyak dabmak ena ele, ahilag doyak ele am eheɗ dayaya he, ag ib ena apiɗidna, eheɗ gonana, ‘Igib danabnab daattem. Laa oh am hamu. Ig bia laa ii daatteb,’ appig.

Esekiel 31:16

Da hei, ad elabnab amu na qe, oqotti o, wanppan wan oh ag doon ottaippig. Da hei, danab ag mauhna, moɗppa niiegeg, ad amu na qa, appa no, ag ele daappig. Da anam hei, ad amu na qe, ad laa oh Iden appa daappig, ad amuam Lebanon wanppa enanagnab appa daappig ele, ad amuam ag diɗilkad matu leppa noeg daappig, ag gemu mauhak moɗppa niitteb amu, ag oolag meum.

Esekiel 31:18

O Isip dilag king, na ele ad elabnab, Iden appanu ad oh eɗattak daattem. Na danab nug dagom onig ɠagattag okkai naɗi ele bia daattem, amge da heppi, na ele nena qekkut. Iden appa ad oh nena qekkulag, amubia na ele nena qekkut. Nena qena, mauhak abenppa daakkut. Na iitta aɗi danab laa oh qep elabppa mauhppig amu, na amu dilag moɗppa na ele niikkut. Amu oh am Paro, nuhikkud daup huanaknab ele dilag bekku.” Naɗi Yawe Nug anam atte.

Esekiel 47:12

Le gottu amu, nug daug laih laih oh ad meu otteb ele digdig oh am aguppa bena daaglag. Ad amuam enaib daaglag. Uɗulkad ii bunaɗmana. Kalam anen anen ohppa ag meu okkulag. Aɗinu? Le Kayaknu mettid lag, amuppa digmette am aguppa gotte. Ad amu meulkad am lanaknu daappeg, uɗulkad am oɗe heeb iitta mekkunu daaglag,” awa aum.

Jon 6:48

Da aakkuib am bauklelnu bret.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

Duteronomi 6:25

Amu ig Yawe, ihinig Kayak, ig Nug haknunab anak oh ig mekkom, Nug noobppa pehettak dim lamidkkunig dayeb amu, amuam genab tutukku hak kobol ihinig daakku.” Nai amuam ag nid naunau ahilkad tutukku appeg dooglag.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.