Genesis 2:7 - Nobonob Baibel

⁷ Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Genesis 2:7 ပူးပေါင်းရင်းမြစ်များ

Genesis 1:27

Anam amunu, Kayak Nug danab ah, laa am danab, laa am ah, Nug bia haatom.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Genesis 3:23

Aum amunu, Yawe Kayak Nug danab dad ooppanu lamitte, dimittim, Nug Adam heumppa, wan amuppa Adam nug eewak uɗat hekkunu ukkom.

Genesis 7:22

Genab, keeke bau wanppa oippig amu, ag oh mauhadppig.

Job 27:3

Kayak nug anam genab bau daatte, genab amubia da bau daattem haenppa, da oɗelppa nau laa ii madipa. Ao, genab amubia Kayak ehanikkekke, ulah da noolppa daatte haenppa, da ham-laa-ii-bubupa.

Job 33:4

Kayak Ouɗi Nug da heiɗom. Ao, Laa Nukka Ɠagattag Oh Ele Ouɗi Nug da bau meɗatte.

Job 33:6

Kayaknu neekkakppa amu, da am na bianab daattem; i oh, i wanppa hak aakkuib.

Job 4:19

genabnab genab nug danab dilagnu anam doya hekku. Danab dilagnu amu, Nug ag gappudppa hattom. Danab dilagnu amu, ag diilag gappudppa daatte. Danab dilagnu amu, ag am qagapuɗ, laa nug uɗat okkai ii haaha, qagapuɗ he nauhtte, ag qagapuɗ amubia daatteb.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Sam 103:14

Aɗinu? Nug ig bodoettak ihinig attemu amu dootte. Ao, laa am Nug dootte, ig am gappud aakkuib.

Prowerb 20:27

Yawe Nug danab oo unuqag anidtte. Ge, Nug nuhig dabmak oh atognoak anidtte.

Eklisiastis 3:7

Danab lamen pattikkulagnu haen daatte; danab lamen eɗun koitkkulagnu haen ele daatte. Danab oɗelag qamutkkulagnu haen daatte; danab ag nai mattiglagnu haen ele daatte.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

Esekiel 37:6

Da geha ag ebehilkad diɗilkad tuɗatten, teppulag ele madakkul. Da anam hein, dimppa da heppi, gaɗa am teppulkad toneb, da ouɗi iwalppi, ahilagppa nob, ag eɗun bauklel daaglag. Da anam heppi, ag dooglag, da am Yawe.” Yawe Nug da anam akkulnu aum.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 27:16

“O Yawe, na aakkuib am Kayak danab oh bauklel madattem. Danab ah nahipad imu, ag sipsip laa ii gumadtte ele bia daamnanu, na danab laa nug ag dabmadakkunu epeɗikkutnu, da na oɗ medattem,” awa aum.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Aposel 17:25

Amu Kayak Nug keeke laanu tutu mettete amunu, ig danab ig Nug ehanidkkunig? Iitta. Nug nukka eleleib daatte. Nug nukkaib he, danab oh ag bau daatteb; ge Nug he, ag hik aotteb.

Rom 9:20

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

1 Korint 15:45

Kayak naippa, nai amunu inam daatte. “Danab Kayak digmakppa heum, onig Adam amu, Kayak he, nug am bau dayom.” Amge dimppanu Adam, Nug am Ouɗi laa, bauklel megatte.

1 Korint 15:47

Adam tatamnu amu, Kayak Nug wan awa danab amu heum. Adam dimnu amu hab aabppanu uɗiom.

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

1 Timoti 2:13

Amunu diig am inam. Kayak nug Adam tatam hewowa, dimppa Ewa heum.

Hibru 12:9

Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.