Genesis 19:9 - Nobonob Baibel

⁹ Lot anam a amu, Sodom danab ag appig. “Na qe me!” Awona amu, ag akka akka appig. “Danab imu nug ig ted iitta. Nug wan laihnu danab nug uɗia, ihinig epeɗiak danab bia daakkunu hette,” appig. Ag akka akka anam ana amu, ag Lot amegppa baula appig. “Aakku amunu, ig danab aɗit dilahppa kobol nau hekkunig, amge nahip-ppa amu, ig kobol naunab hekkunig,” aon appig. Anam ana amu, ag Lot duttuneg, nug bittumttum ukke, ag od panaglagnu gukkuidna wappig.

Genesis 19:9 ပူးပေါင်းရင်းမြစ်များ

Genesis 11:6

Yawe Nug na amu, Nug aum. “Danab imu ag laippu daan, nai laippu mattin, keeke imu digmeppig amunu, aɗi keeke ahilag maittakppa beeb, ag amu hekkulagnu elele daaglag.

Genesis 13:12

Aa otiya amu, Abram nug Kanan wanppa dayeye, Lot nug Jodan uɗemppa, aab okkai daappig oolagppa dayaya oiyaya ukka ukka, Sodom guguittak peh lag nuhikkud qappalattom.

Eksodas 2:14

Awa a, danab amu nug Moses amegppa aum. “Aun na ig gumignana, ihinig uug bappaidkkutnu meittom? Na Isip ted makkuɗe mauhom bia da oiɗppe mauhkkulnu hettemte?” Moses nug amu a doya, nug dabmak inam awom. “Danab ag keeke hemi genab doon malappig doottem.” Nug dabmak anam awa, nug oo baɗom.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 17:12

Bea anig laa, nug nakkud oh danab laa diia ukke, bea anig nug oppoɗi bak huana dootte ele, na bea anig amu gukkuidna ii wakkutoitte. Am nau; amge na danab Kayak dab-ii-maama ii dim lamidtte ele nug Kayak dab-ii-maama hak kobol haaha daatte uɗa tekkut dayeb, amuam naunab nau.

Prowerb 27:3

Men ag uulkad ele, ihi ele nug uug ele, danab maokkunu am uug dootte; amge danab nug Kayak dab-ii-maama ii dim lamidtte ele nug he, uug bette amu, danab uug amu maokkunu am uug naunab dootte.

Eklisiastis 10:13

Danab nug Kayak dab-ii-maama ii dim lamidtte ele, nug digmakppa Kayak dab-ii-maama haknu nai maditte; gog tak amu, nug Kayak dab-ii-maama haknu nai aakkuib ii maditte. Iitta. Nug nai nau, kaaka ele maditte.

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 6:15

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Da bu eheɗ madappi, ag nena qekkulag,” awa atte.

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

1 Samuel 17:44

Goliat nug Dawit nai nau amu metta, nug nai tuɗitta aum. “Na doppe, ii ban heɗa, da geha na nidappi mauhppe, da na teppun geha ai, doɗ dakkuɗ ele madappi lakkulag,” awa aum.

1 Samuel 2:16

Maɗi nid nug anam a, mana mettak mameg nug, “Na teppu bau aokkutnu am nai iitta, amge tatam laa ittag mana, Kayak metteb, dimppa na teppu aɗi aokkut amu, na aokkut,” ab amu, maɗi nid nug eɗua, inam akku. “Iitta! Geha iikkunab na teppu amu da meɗe! Na ii meɗakkut dayeb, da wagai mein aokkul,” awa akku. Nid aɗit amu, ahilah maɗi nid ele, ag anam hedappig.

1 Samuel 25:17

Ag anam heppig, amge ihinig danab okkai, nug am danab nau, laa nug ele nai mattiglahnu elele iitta, gemu nug kobol nau he, nug, nug baegppan ele, ig oh aakku naunab aognignu miag daattem. Ig nauhmut miag daattem amunu, na geha keeke amu ohnu na dabmekkutnu ool daatte. Na dabmena, na keeke aɗi hekkutnu elele amu, na hekkut.” Danab amu nug Abigel amegppa anam aum.