Genesis 19:38 - Nobonob Baibel

³⁸ Aria, aɗeg gehanu nug ele nid danab menua, nug onig Benami ataɗom. Nug buɗub amu, ag Amon danab.

Genesis 19:38 ပူးပေါင်းရင်းမြစ်များ

Genesis 20:1

Dimppa Abraham nug dayomppanu aha, wan atu onig Negeb ukka, aab aɗit onilah Kades, Sur ele gamalahppa oiyom. Oiya ukke, deɗ laa aab laa onig Gerar, appa nug wau ele goya, aben amuppa daapiɗ.

Sam 83:9

O Kayak, amu oh ag eheɗ hekkulagnu atteb amu, na Midian danab ah eɗadme, na amubia eɗadkkutnu oɗ medattem. Ao, na Sisera, amu Jabin ele dilahppa Kison Leppa heme bia hena eɗadkkutnu unuqidttem.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Sepanaia 2:8

Yawe Nug inam atte. “Da Moap ag dahilad danab ah dilagnu awa awa qettak nai naunab madippig amu, da ahilag nai amu da doomi. Ge, Amon danab ag dahilad danab ah dilagnu hippeg qakkak nai madippig amu, da ahilag nai amu da doomi. Amu oh ag dahilad danab ah dilagnu awa awa qettak nai naunab madippig, amu da nai amu doomi. Ele amu, da ag oh ag dahilad danab ah eɗadna, ag ahilag wan aoglagnu madippig amu, da amu ele doomi,” awa atte.

Sepanaia 2:9

Amu Yawe Nukka Ɠagattag Oh Ele, Israel dilag Kayak, Nug imu ele atte. “Ag anam heppig amunu, da genab bau daattem, genab amubia da heppi, Moap wan am Sodom bia daakku. Ao, da heppi, Amon wan am Gomora bia daakku. Ahilag wanppa amu uud beppeg, ahilag wanppa wan moɗ ele daappeg, amuppa le yu ele daakku. Ahilag wan am meu waknu nakokib elele hanhan daakku amunu, dahilad danab ah oɗo yaak daaglag, ag wana, Moap danab ah, Amon danab ah ele dilag keeke akkan gokkulag. Ao, dahilad danab ah ag Moap, Amon ele dilag wan aoglag.” Yawe Nukka Ɠagattag Oh Ele Nug anam awa atte.

Duteronomi 2:19

Amon wan ooppa nokkulag. Amon danab ah, ag ⌊ele⌋ Lot alakkud amu, da ag wan ahilag, wan amu ahilag keeke daakkunu da ag mattami amunu, da wan ahilag maha nakok laa, da ag Israel, da ag ii madapa. Amu diig amunu ag Israel, ag Amon, ahilagppa ban nakok laa aib heppig,’ ” awa aum. ⌊Moses nug nai amu Israel danab ah amelagppa anam aum.⌋

Duteronomi 2:9

Ig ukkautut amu, Yawe da amelppa aum. “Da Moap danab ah, ag Lot alakkud amu, da ag Moap wan ahilag daakkunu da ag mattami amunu, da wan ahilag maha nakok laa, da ag Israel, da ag ii madapa. Amu diig amunu ele ag Israel, ag Moap, ahilagppa ban nakok laa aib heppig,” awa aum. Amu Moses nug danab ah amelagppa anam aum.

Duteronomi 23:3

Amon tedte, o Moap tedte, o nug buɗubppud laala menuak laippu bia 10 batak, ag Yawenu danab ah Israel, ag ag ele laippunab ii daamna.

Ikki Danab 10:6

Amu dimppa, Israel danab ah ag Yawenu neekkakppa baula eheɗ heppig. Ag kayak hambuppuak Bal, Astoret ele iɗu iɗu waalagppa daan, oɗelag dim lamidnana, ag Aram dilag kayak, Saidon dilag kayak, Moap dilag kayak, Amon amu Pilistia ele dilag kayak ele, ag kayak hambuppuak amu oh ele waalagppa daan, ag oɗelag dim lamidppig. Amuib iitta, ag Yawe uuidna, Nug waappa daya, oɗe dim lamittak uun autnanab aoppig.

1 Samuel 14:47

Amu Saul nug Israel dilag king ba daye, nug nuhikkud daup ele ag Israel dilag kekeɗ oh ele ban heppig; kekeɗ ag ele ban heppig, amuam Moap danab, Amon danab, Edom danab, king laala ag Soba wanppa daappig, ahilkad daup ele, amu Pilistia danab ele. Saul, nuhikkud daup ele ag ban amu hena, kekeɗ eɗadppig.